Տուրքի վճարումն այլևս հիմք չի հանդիսանա զինվորական ծառայությունը հետաձգելու համար

Պաշտպանության փոխնախարար Գրիգոլ Գիորգաձեն հայտարարել է, որ կան բավարար հիմքեր զորակոչը հետաձգելու կամ դրանից ազատվելու համար։

«Քննարկում ենք ունեցել և կարծում ենք, որ սա մեծ վիճակագրություն չէ, ավելին, շատերը հնարավորություն չեն ունենա օգտվել այս բարձրացված վճարից։ Բացի այդ, կան պարտադիր զինծառայության հետաձգման և դրանից ազատման տարբեր հիմքեր, նաև առանձին դեպքերում վարչապետն իրավունք ունի գնահատել կոնկրետ դեպքը և հետաձգել, կամ ծառայությունից ազատել երիտասարդին»,- ասել է Գիորգաձեն։

Խորհրդարանն ապրիլի 4-ին՝ 80 կողմ, 2 դեմ ձայների հարաբերակցությամբ առաջին ընթերցմամբ ընդունել է կառավարության նախաձեռնած «Պաշտպանության օրենսգրքի» նախագիծը։ Պարտադիր զինվորական ծառայությունը վերանվանվել է «Զորակոչիկների ազգային զինվորական ծառայության»։

Օրենսգրքի ընդունման դեպքում՝ զորակոչիկների ազգային զինվորական ծառայության ժամկետը կկրճատվի: Մասնավորապես, 12-ամսյա ժամկետի փոխարեն գործելու են հետևյալ ժամկետները. մարտական ​​ստորաբաժանումում ծառայության համար՝ 6 ամիս, պաշտպանության կամ անվտանգության ստորաբաժանումում ծառայության համար՝ 8 ամիս, Կրտսեր հրամանատարական պաշտոններում և նախապես որոշված ​​մասնագիտություններում ծառայության համար՝ 11 ամիս:

Զորակոչիկների ազգային զինվորական ծառայության համալրումը կիրականացվի ամենամյա պատահական ընտրության սկզբունքով՝ սահմանված հերթականության կարգով, էլեկտրոնային համակարգի միջոցով։ Զորակոչիկների ազգային զինվորական ծառայություն անցնել հնարավոր կլինի միայն ՊՆ համակարգում:

Նշված փոփոխությունները նախատեսվում է գործարկել 2025 թվականի հունվարի 1-ից։