Թուրքիայի Սևծովյան Բարթին նահանգի ածխահանքում տեղի ունեցած պայթյունի հետևանքով առնվազն 28 մարդ է մահացել։ Ամսարայի շրջանում գտնվող հանքահորերից մեկում, պայթյունը տեղի է ունեցել ուրբաթ օրը՝ ժամը 18:15-ի սահմաններում, 300 մետր խորությունում։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 5 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 6 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
Նախնական տվյալներով՝ պայթյունը տեղի է ունեցել գազի արտահոսքի պատճառով։ Այդ ժամանակ հանքում 110 մարդ է եղել, որոնց գրեթե կեսը աշխատում էր «ռիսկային» գոտում՝ 300-ից 350 մետր խորությունում։ Anadolu գործակալության տվյալներով՝ 58 հանքափորի հաջողվել է փրկել։ 11 վիրավոր տեղափոխվել է հիվանդանոց, վեցը՝ Ստամբուլում, հինգը՝ Բարթինում։ Ըստ առկա տեղեկությունների՝ նրանց կյանքին վտանգ չի սպառնում։
«Ներկայում ունենք 15 հանքափոր, որոնք, կարծում ենք, որ այնտեղ են մնում։ Որոնողափրկարարական ծառայությունները փորձում են փրկել նրանց։ Մենք գիտենք, թե որտեղ է գտնվում 15 հոգին։ Պայթյունի վայրն այսպես թե այնպես հայտնի է: 10-11 հոգի կա այնտեղ, որտեղ հրդեհը դեռ շարունակվում։ Մեծ հրդեհ չէ։ Նրանց անվտանգությունն ապահովելու համար անհրաժեշտ է վերացնել հրդեհը և ածխածնի օքսիդը»,- ասել է Թուրքիայի էներգետիկայի և բնական պաշարների նախարար Ֆաթիհ Դոնմեզը։
Հանքը, որտեղ տեղի է ունեցել պայթյունը, պատկանում է պետական ընկերությանը (Türkiye Taşkömürü Kurumu):
Թուրքիայի նախագահ Ռեջեփ Թայիփ Էրդողանը պատրաստվում է ժամանել Ամսարա։
2014 թվականին Թուրքիայի արևմտյան Սոմա քաղաքում ածխահանքում տեղի ունեցած պայթյունի հետևանքով զոհվել է 301 մարդ։
