Վաղը, մինչև մայրամուտ, ներխուժումը մեր երկիր կդադարի. Թրամփ

«Մինչ վաղը գիշերը արևը մայր մտնի, մեր սահմանային ներխուժումները կդադարեն, և բոլոր անօրինական սահմանախախտները, այս կամ այն ​​ձևով, կվերադառնան տուն», - մեջբերում է CNN-ը Թրափի խոսքերը, որը նա հնչեցրել է Capital One Arena-ում:

Դեկտեմբերին ԱՄՆ սահմանապահ ծառայությունը գրանցել է 47 300 ապօրինի սահմանահատում, ինչը մի փոքր աճ է նոյեմբերի համեմատ, բայց ամենացածրը 2020 թվականի հուլիսից ի վեր: CNN-ի փոխանցմամբ՝ ԱՄՆ-Մեքսիկա սահմանը հատող միգրանտների թիվը կտրուկ նվազել է այն բանից հետո, երբ նախագահ Ջո Բայդենն անցած տարի խստացրեց ապաստան տրամադրելու քաղաքականությունը։

Դոնալդ Թրամփն այսօր՝ հունվարի 20-ին, իր երդմնակալության ելույթի ժամանակ կնշի կոնկրետ միջոցառումներ։ Արտասահմանյան ԶԼՄ-ների տեղեկությունների համաձայն՝ երդմնակալությունից հետո նա կստորագրի ավելի քան 200 փաստաթուղթ, այդ թվում՝ մոտ 100 գործադիր հրաման:

«Բայդենի վարչակազմի յուրաքանչյուր արմատական ​​և հիմար գործադիր հրաման կչեղարկվի երդվելուց մի քանի ժամվա ընթացքում… Վաղվանից ես պատմական արագությամբ և ուժով կգործեմ՝ լուծելու մեր երկրի առջև ծառացած յուրաքանչյուր ճգնաժամ»,- ասել է Թրամփը աջակիցներին։

Այսօր՝ հունվարի 20-ին, Դոնալդ Թրամփը կստանձնի նախագահի պաշտոնը երկրորդ ժամկետով։ ԱՄՆ 47-րդ նախագահի երդմնակալության արարողությունը կսկսվի Թբիլիսիի ժամանակով 21:00-ին։