დონალდ ტრამპმა ინაუგურაციის წინ, ათასობით მხარდამჭერის წინაშე გამოსვლისას, პირობა დადო, რომ სწრაფად შეასრულებს მისი საპრეზიდენტო კამპანიის მთავარ დაპირებას და პრეზიდენტის უფლებამოსილების განხორციელების პირველივე დღეს მკაცრ შეზღუდვებს დააწესებს იმიგრაციაზე.
ახალი ამბები
მკითხველის რჩეული
- 1 ირლანდიიდან საქართველოს 32 მოქალაქის დეპორტაცია განხორციელდა
- 2 პროკურორი ბაჩიაშვილის ქვეყნიდან წასვლაზე: „აუცილებლად დაიწყება გამოძიება“
- 3 მაკრონმა უკრაინაში ცეცხლის ნაწილობრივ შეწყვეტის ერთთვიან გეგმაზე ისაუბრა
- 4 რუსეთის დაზვერვა: EU საქართველოში აქციის მონაწილეებს დღიურად 120 ევროს გადაუხდის
- 5 მზია ამაღლობელს კლინიკიდან პენიტენციურ დაწესებულებაში დღეს დააბრუნებენ
- 6 ესტონეთში შესვლა საქართველოს კიდევ 55 მოქალაქეს აეკრძალა - სია
„იმ დროისთვის, როცა ხვალ საღამოს მზე ჩავა, ჩვენს საზღვრებში შემოჭრა შეჩერდება და საზღვრის ყველა უკანონო დამრღვევი, ამა თუ იმ ფორმით, სახლში დაბრუნდება“, - ციტირებს CNN-ი ტრაპის მიერ Capital One Arena-ზე გაკეთებულ განცხადებას.
დეკემბერში, აშშ-ის სასაზღვრო პატრულმა საზღვრის უკანონო კვეთის 47 300 შემთხვევა დააფიქსირა, რაც უმნიშვნელო ზრდაა ნოემბრის მაჩვენებელთან შედარებით, თუმცა ყველაზე დაბალი მაჩვენებელია 2020 წლის ივლისის შემდეგ. CNN-ის თანახმად, მიგრანტების რაოდენობა, რომლებიც აშშ-მექსიკის საზღვარს კვეთენ, მკვეთრად შემცირდა მას შემდეგ, რაც გასულ წელს პრეზიდენტმა ჯო ბაიდენმა თავშესაფრის პოლიტიკა გაამკაცრა.
დონალდ ტრამპი კონკრეტულ ზომებს დღეს, 20 იანვარს, საინაუგურაციო გამოსვლის დროს დაასახელებს. უცხოური მედიის ინფორმაციით, მოსალოდნელია, რომ ინაუგურაციის შემდეგ ის 200-ზე მეტ დოკუმენტს მოაწერს ხელს, მათ შორის 100-მდე აღმასრულებელ ბრძანებებს.
„ბაიდენის ადმინისტრაციის ყოველი რადიკალური და სულელური აღმასრულებელი ბრძანება გაუქმდება ფიცის დადების შემდეგ რამდენიმე საათში... ხვალიდან მე ვიმოქმედებ ისტორიული სისწრაფითა და ძალით, რათა გადავწყვიტო ყველა კრიზისი, რომელიც ჩვენი ქვეყნის წინაშე დგას“, - განუცხადა ტრამპმა გულშემატკივრებს.
დღეს, 20 იანვარს, დონალდ ტრაპი მეორე ვადით დაიკავებს პრეზიდენტის თანამდებობას. აშშ-ის 47-ე პრეზიდენტის ინაუგურაციის ცერემონია თბილისის დროით 21:00 საათზე დაიწყება.
