Վարչապետ Իրակլի Կոբախիձեն ներքին գործերի նախարար Վախթանգ Գոմելաուրիի հետ միասին այցելել է ՆԳՆ Հատուկ հանձնարարությունների վարչության նոր բազա։ Նա երկրին մատուցած ծառայության համար հատուկ շնորհակալություն է հայտնել գերատեսչության ղեկավարությանը` ԱՄՆ-ի կողմից պատժամիջոցների ենթարկված Զվիադ Խարազիշվիլիին, նույն ինքը՝ «Խարեբային», և նրա տեղակալ Միլլեր Լագազաուրիին:
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
«Մեր պետական շահերը պաշտպանելու համար չափազանց կարևոր է ամբողջ ՆԳՆ գործունեությունը։ Այս առումով առանձնահատուկ նշանակություն է տրվում Հատուկ առաջադրանքների վարչության գործունեությունը։ Ցանկանում եմ շնորհակալություն հայտնել գերատեսչությանը երկրին մատուցած ծառայության համար։
Հատուկ շնորհակալություն ենք հայտնում ղեկավարությանը, Զվիադ Խարազիշվիլիին, Միլլեր Լագազաուրին, այլ պաշտոնյաներին։ Շնորհակալ եմ այս ծառայության յուրաքանչյուր ներկայացուցչի, նրանցից էապես կախված է մեր պետական շահերի պաշտպանությունը»,- ասել է վարչապետը։
Իրակլի Կոբախիձեի խոսքով՝ նոր բազան ունի շատ կարևոր, բարեկարգ ենթակառուցվածք, որը կօգնի Հատուկ առաջադրանքների վարչությանը իրականացնել իր գործունեությունը։ Ներքին գործերի նախարար Վախթանգ Գոմալաուրիի հայտարարությունից հայտնի է դարձել, որ ՆԳՆ-ն մի քանի նոր ջրցան մեքենա է գնել։
Սեպտեմբերի 16-ին ԱՄՆ-ը ֆինանսական պատժամիջոցներ է սահմանել Զվիադ Խարազիշվիլիի և նրա տեղակալի՝ Միլեր Լագազաուրիի նկատմամբ։ Ֆինանսների նախարարության տարածած հաղորդագրության մեջ ասվում է, որ մայիսի 28-ի բողոքի ցույցերի ժամանակ, մինչ ռուսական օրենքի ընդունումը, ՆԳՆ հատուկ հանձնարարությունների վարչության ուժերը բռնություն են կիրառել Վրաստանի քաղաքացիների նկատմամբ, ովքեր խաղաղ կերպով արտահայտում էին իրենց կարծիքը։ Գերատեսչության տվյալներով՝ Խարազիշվիլին և Լագազաուրին վերահսկել են այս բռնությունը, որը ներառում էր ոչ բռնի ցույցերի բազմաթիվ մասնակիցների, այդ թվում՝ ընդդիմադիր քաղաքական գործիչների դաժան ծեծը։ Գանձապետարանը նշել է, որ «Խարազիշվիլին հայտնի է քաղաքական հակառակորդների դեմ իր պատժիչ գործողություններով և անձամբ մասնակցել է ցույցի մասնակիցների ֆիզիկական և բանավոր բռնություններին»։
Ֆինանսական հաստատությունները և այլ անձինք, որոնք գործարքներ են կնքում կամ գործունեություն են ծավալում պատժամիջոցների ենթարկված անձանց հետ, կարող են ենթարկվել պատժամիջոցների: Հոկտեմբերի 5-ին Վախթանգ Գոմելաուրին հայտարարել է, որ Խարազիշվիլին և Լագազաուրին սովորականի պես ստանում են իրենց աշխատավարձերը։ Նախարարը չի նշել այն բանկի անունը, որը սպասարկում է պատժամիջոցների ենթարկված բարձրաստիճան պաշտոնյաներին։