Վասիլ Մաղլափերիձեն կրկին ընտրվել է հանրային հեռարձակողի խորհրդի նախագահ

Խորհրդի նիստը տեղի է ունեցել հեռարձակողի նոր շենքի դեմ բողոքի ֆոնին։ Մաղլափերիձեի թեկնածությունն առաջադրել էր Բոնդո Մձինարիշվիլին, որից հետո տեղի է ունեցել բաց քվեարկություն։

Խորհրդի անդամներ՝ Լաշա Տուղուշը, Լիկա Բասիլաիա-Շավգուլիձեն և Զազա Աբաշիձեն դեմ են արտահայտվել Վասիլ Մաղլափերիձեի ընտրությանը։

«Պարոն Վասիլ Մաղափերիձեն 2005 թվականից առաջին նախագահն է, ով իր աշխատակիցներին բանտի է դատապարտել», - հայտարարել է Տուղուշը։ Նա հիշել է խորհրդի մարտի 21-ի նիստը, որտեղ Մաղլափերիձեն և խորհրդի ևս 7 անդամ պահանջեցին, որ դատախազությունը հետաքննի «Առաջին ալիքի» աշխատակիցների քննադատական հայտարարությունները ալիքի քաղաքականության վերաբերյալ։

«Դուք դեմ էիք, որ ծրագրային առաջնահերթություններում ներառվի Վրաստանի անդամակցությունը Եվրամիությանը։ Դուք կարող եք ունենալ ձեր տեսակետները, բայց ես իրավունք ունեմ չհամաձայնվել ձեզ հետ, թե ինչու չենք կարող մենք՝ հանրային հեռարձակողը, ծրագրային առաջնահերթություններում չգրել Վրաստանի անդամակցությունը Եվրամիությանը։ Դա բացարձակապես անընդունելի է ինձ համար, և սա ևս մեկ պատճառ է, որի պատճառով չեմ կարող աջակցել ձեզ այս դիրքորոշման հարցում»:

Երրորդ պատճառը ձեր վերաբերմունքն է օրենքների նկատմամբ ընդհանրապես։ Դուք նախորդ անգամ, իմ կարծիքով, ապօրինի եք անցկացրել այդ հանդիպումը [մարտի 21-ի նիստը] և նաև օրենքի խախտմամբ հանձնարարել եք տիկին Ելենա Միխայլովայի գործը, որը չի մտնում նրա իրավասության մեջ, [...] նա վարչակազմի ներկայացուցիչ է և հետաքննում էր իր իսկ վարչակազմի գործը, ինչը լուրջ խնդիր է:

Եթե այս ամենը չլիներ էլ, ձեր ոճն անընդունելի է։ Այս 3 տարվա ընթացքում, պարոն Վասիլ, չեմ հիշում ձեր կողմից որևէ քննադատական կարծիք, քննադատական դիտողություն վարչակազմի հասցեին։ Բայց սա ի՞նչ ձև է, ի՞նչ ոճ է։ Մեր պարտականությունն է լինել քննադատական, այդ թվում՝ ֆինանսների ծախսման, ծրագրային առաջնահերթությունների հետ կապված, ոչ մի քննադատական կարծիք ձեր կողմից չի հնչել, և դուք ամեն կերպ փորձում էիք, որ ֆիլտրացիա տեղի ունենար խորհրդում և առավելագույնս սահմանափակեիք այն քննադատական կամ այլ կարծիքները, որոնք գոյություն ունեին այս խորհրդում», - ասաց Տուղուշին:

Լիկա Բասիլաիա-Շավգուլիձեի հայտարարությամբ, չի աջակցում Վասիլ Մաղլափերիձեի նախագահությանը, քանի որ նա հանրային հեռուստատեսությունում «մշտական ռեժիմով» ռուսական քարոզչություն է իրականացնում։

Զազա Աբաշիձեն արձագանքեց որոշ հեռուստաընկերությունների և քաղաքական դերակատարների կողմից տարածված ապատեղեկատվությանը, իբր հանրային հեռուստատեսության մի քանի քննադատաբար տրամադրված աշխատակիցներ «ապօրինի եկամուտներ» ունեն և հարցրեց Վասիլ Մաղլափերիձեին, պետք է արդյոք հոգաբարձուների խորհուրդը պաշտպանի այս աշխատակիցներին։

«Ես կարծում եմ, որ սա ընդհանուր սևացման արշավի մի մասն է, որը ընթանում է այն մարդկանց դեմ, ովքեր պարզապես իրենց դիրքորոշումն են արտահայտել», - նշել է Աբաշիձեն։

Վասիլ Մաղլափերիձեն Աբաշիձեի հարցը «հռետորական» համարեց և ուղիղ պատասխան չտվեց։ Մաղլափերիձեն հրաժարվեց հետ վերցնել իր թեկնածությունը։

«Ավելին, ես դրանով հարգանք եմ արտահայտում իմ գործընկերների նկատմամբ, ովքեր կաջակցեն ինձ, որ ես էլ կտամ իմ ձայնը ինքս ինձ, որպեսզի չթաքնվեմ թփերի հետևում և չստացվի, որ, գիտես ինչ, ժողովրդի խնդրանքով է։ Ես կողմ եմ, եթե ընտրեք ինձ», - ասել է Մաղլափերիձեն։

Վասիլ Մաղլաֆերիձեն 2017 թվականից մինչև 2020 թվականի օգոստոսը եղել է Հանրային հեռարձակողի գլխավոր տնօրենը։ Պաշտոնից հրաժարվելուց հետո՝ 2021 թվականի հունվարին, նա ընտրվել է «Վրացական երազանք» կուսակցության այն ժամանակվա նախագահ Իրակլի Կոբախիձեի տեղակալ, սակայն մարտին հայտնի դարձավ, որ նա թողել է կուսակցական պաշտոնը և կուսակցությունը։ Նույն թվականի ապրիլին խորհրդարանը Վասիլ Մաղլափերիձեին ընտրեց Հանրային հեռարձակողի հոգաբարձուների խորհրդի անդամ։ Մաղլափերիձեն «Վրացական երազանքի» կողմից առաջադրված և աջակցություն վայելող թեկնածուն էր։