Լրահոս

Մասնավորապես, Գվարամիան վերջին վեց ամսվա ընթացքում գտնվում էր կալանքի տակ՝ «Ռուսթավի 2»-ին պատկանող ավտոմեքենան անձնական նպատակներով օգտագործելու համար (պաշտոնական դիրքի չարաշահում), քանի որ Թբիլիսիի քաղաքային դատարանը 2022 թվականի մայիսի 16-ի դատավճռով նրան մեղադրանքի երկրորդ դրվագի՝ «Ռուսթավի 2»-ին 6 763 509 լարիի վնաս պատճառելու համար, սահմանել է 50 հազար լարի տուգանք:

Վերաքննիչ դատարանն այս մասով փոխել է Գվարամիայի նկատմամբ կայացված մեղադրական դատավճիռը և նրան դատապարտել ազատազրկման նաև 6 763 509 լարիի վնաս պատճառելու դրվագի համար։

«Նա 6 ամիս անազատության մեջ է եղել՝ մեքենան անձնական նպատակներով օգտագործելու համար։ Սա, ըստ երևույթին, շատ է անհանգստացրել իշխանությանը։ Պատիժը մնացել է նույնը, սակայն դատարանը իշխանությունների հաղորդագրության համաձայն փոխել է որոշումը և դատապարտել ազատազրկման՝ վնաս պատճառելու մասով։

Վերաքննիչ դատարանն ուժի մեջ է թողել դատավոր Չխիկվաձեի դատավճիռը, որը ոչ միայն Նիկա Գվարամիային է զրկում ազատությունից, այլ նաև այս երկրին»,- ասել է Նիկա Գվարամիայի փաստաբան Դիմիտրի Սաձագլիշվիլին։

Թբիլիսիի քաղաքային դատարանի որոշումը բողոքարկվել է ինչպես պաշտպանական, այնպես էլ մեղադրող կողմի կողմից։

Լրատվամիջոցների ազատության ապահովումը Եվրահանձնաժողովի 12 հանձնարարականներից մեկն է՝ Վրաստանի ԵՄ-ի թեկնածուի կարգավիճակի համար. «Ավելի ուժեղ ջանքեր գործադրել՝ ազատ, պրոֆեսիոնալ, բազմակարծիք և անկախ լրատվամիջոցների միջավայր ապահովելու համար, հատկապես ապահովելու, որ լրատվամիջոցների սեփականատերերի դեմ քրեական դատավարությունը համապատասխանի ամենաբարձր իրավական չափանիշներին: Սկսել լրագրողների և լրատվամիջոցների այլ ներկայացուցիչների անվտանգությանը սպառնացող փաստերի անաչառ, արդյունավետ և ժամանակին հետաքննություն»։

Ինչ վերաբերում է Նիկա Գվարամիայի հետ միասին մեղադրյալներ Կախաբեր Դամենիային և Զուրաբ Իաշվիլիին, վերաքննիչ դատարանը թողել է նրանց նկատմամբ Թբիլիսիի քաղաքային դատարանի կայացրած դատավճիռը, որով Կախաբեր Դամենիան տուգանվել է 50 հազար լարիով, իսկ Զուրաբ Իաշվիլին՝ անմեղ է ճանաչվել։