«Վրացական երազանքի» վարչապետ Իրակլի Կոբախիձեն կառավարության շենքում կայացած ճեպազրույցի ժամանակ հայտարարել է, որ Լևան Դավիթաշվիլիին էկոնոմիկայի և կայուն զարգացման նախարարի պաշտոնում կփոխարինի նրա տեղակալ Մարիամ Քվրիվիշվիլին։
Լրահոս
Ընթերցողի ընտրանի
- 1 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 2 ՆԱՏՕ-ի և Եվրամիության տեղեկատվական կենտրոնը լուծարվում է
- 3 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 4 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Ուկրաինայի պատերազմում զոհվել է վրացի մարտիկ՝ 22-ամյա Դեմետրե Դարչիան
«Ինչպես գիտեք, Մարիամ Քվրիվիշվիլին իշխող կուսակցության քաղաքական խորհրդի անդամ է։ Մինչ օրս նա զբաղեցրել է էկոնոմիկայի փոխնախարարի պաշտոնը, որտեղ հաջողությամբ ղեկավարել է այնպիսի ոլորտներ, ինչպիսիք են զբոսաշրջությունը և ավիացիան։ Այսօր նրա գործունեության շրջանակը ընդլայնվում է, և ես վստահ եմ, որ նա նույնքան հաջողակ կլինի, որքան նախարարի պաշտոնում, ինչպես նաև համապատասխան ոլորտների ղեկավարման գործում», - ասել է Կոբախիձեն։
Լևան Դավիթաշվիլին նշանակվել է «Վրացական երազանքի» տնտեսական հարցերով գլխավոր խորհրդական և տնտեսական խորհրդի քարտուղար։
«Նախարարության կառավարումը կապված է ամենօրյա, ծանր ռեժիմի հետ։ Այս ռեժիմից ազատվելը թույլ կտա պարոն Լևանին ապահովել ավելի մեծ հաջողություններ երկրի տնտեսական աճի հետագա արագացման, երկիր ներդրումներ ներգրավելու և այլ համապատասխան արդյունավետ քայլեր ձեռնարկելու գործում։ Պարոն Լևանը բացառիկ, ակնառու որակավորում ունեցող տնտեսագետ է, և մենք կարծում ենք, որ այս պաշտոնից նա կկարողանա լավագույնս կատարել այս առաքելությունը։ Սա կնպաստի երկրի տնտեսական աճի հետագա արագացմանը և ներդրումներ ներգրավելուն», - ասել է Իրակլի Կոբախիձեն։
Լևան Դավիթաշվիլին շնորհակալություն է հայտնել «Վրացական երազանք» կուսակցության հիմնադիր Բիձինա Իվանիշվիլիին, «ով հնարավորություն է տվել տարիներ շարունակ աշխատել բարձր պետական պաշտոններում տարբեր ուղղություններով և որոշակի ներդրում ունենալ մեր երկրի զարգացման գործում։ Կարծում եմ՝ սա եզակի հնարավորություն էր, որը անմոռանալի էր անձամբ ինձ համար»։
«Հիմա հո հասկանո՞ւմ եք, թե ինչ է նշանակում Դավիթաշվիլիի պաշտոնից ազատումը։ Նրանք խզեցին նույնիսկ վերջին կապը ամերիկացիների և Եվրամիության հետ։ Կառավարությունից միակ մարդը, ով ինչ-որ մեկի հետ խոսում էր, լքում է կառավարությունը։
Ամեն ինչ ավելի վատ է, քան դուք կարծում եք այս պահին», - գրել է պաշտպանության նախկին նախարար Թինաթին Խիդաշելին «Վրացական երազանք» կառավարությունում կադրային փոփոխություններից հետո։
Երեք օր առաջ կոռուպցիայի մեղադրանքով ձերբակալվել է Ռոմեո Միքաուտաձեն, ով 2021-2022 թվականներին զբաղեցրել է էկոնոմիկայի փոխնախարարի պաշտոնը, իսկ 2022 թվականի դեկտեմբերի 30-ից մինչև 2024 թվականի փետրվարի 11-ը՝ առաջին փոխնախարարի պաշտոնը։
