«Լավ էր հանդիպել Վրաստանի վարչապետ Իրակլի Ղարիբաշվիլիի հետ։ Մենք գնահատեցինք 12 հիմնական առաջնահերթությունների իրականացմանն ուղղված Վրաստանի վերջին ջանքերը, որոնք կարտացոլվեն ընդլայնման զեկույցում: Վրաստանը պատկանում է ԵՄ ընտանիքին և կստանա ամբողջ աջակցությունը ԵՄ ճանապարհին»,- Twitter-ում գրել է Եվրոպական հարևանության քաղաքականության և ընդլայնման հարցերով եվրահանձնակատար Օլիվեր Վարհեին։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 3 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 4 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 5 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
- 6 Միջազգային ընտրական վարչությունը պետք է նորովի անցկացնի ընտրությունները. Վաշաձե
Վրաստանի կառավարության աշխատակազմի տեղեկության համաձայն՝ վարչապետի Բրյուսել աշխատանքային այցի շրջանակներում կայացած հանդիպմանը քննարկվել է Եվրոպական միությանը Վրաստանի անդամակցության գործընթացը։
«Օլիվեր Վարհեիի հետ հանդիպմանը վարչապետն ընդգծել է Վրաստանին թեկնածուի կարգավիճակ տրամադրելու կարևորությունը և հույս հայտնել, որ 12 առաջնահերթություններով նախատեսված բարեփոխումների իրականացման ուղղությամբ Վրաստանի ջանքերը պատշաճ կերպով կարտացոլվեն Եվրահանձնաժողովի զեկույցում և Եվրահանձնաժողովը հանձնարարական կներկայացնի Վրաստանին թեկնածուի կարգավիճակ տրամադրելու վերաբերյալ»,- ասված է հաղորդագրությունում։
Հավանաբար նոյեմբերին հայտնի կդառնա, թե արդյոք Եվրահանձնաժողովը հանձնարարական կտա Վրաստանին ԵՄ անդամակցության թեկնածուի կարգավիճակ տրամադրելու վերաբերյալ։
Անցյալ տարի Եվրոպական միությունը Ուկրաինային և Մոլդովային շնորհեց ԵՄ անդամակցության թեկնածուի կարգավիճակ, իսկ Վրաստանին՝ եվրոպական հեռանկար և առաջադրեց 12 կետից բաղկացած նախապայմաններ՝ թեկնածուի կարգավիճակ ստանալու համար։ Վրաստանի դիմումի վերաբերյալ հանձնաժողովի պատրաստած եզրակացության մեջ սահմանված առաջնահերթություններից են՝ քաղաքական բևեռացման վերացումը, դատական բարեփոխումների իրականացումը, ապաօլիգարխացումը, կազմակերպված հանցավորության դեմ պայքարի ուժեղացումը, լրատվամիջոցների ազատության ապահովումը և այլն։
