«ՅՈՒՆԻՍԵՖ»-ի կողմից հաստատված Երեխաների պաշտպանության համաշխարհային օրվան նվիրված հայտարարության մեջ Վրաստանում Եվրամիության ներկայացուցչությունն իր աջակցությունն է հայտնում վրացի երիտասարդներին, ովքեր պայքարում են եվրոպական ապագայի համար։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
«Երեխաների պաշտպանության համաշխարհային օրը մենք ցանկանում ենք ուշադրություն հրավիրել այն մարտահրավերներին, որոնց բախվում են Վրաստանում երեխաներն ու երիտասարդները՝ վերջին 1000 օրվա ընթացքում Ռուսաստանի կողմից Ուկրաինա լայնածավալ ներխուժման հետևանքով, ինչպես նաև ամբողջ աշխարհում։
Այս տարվա Երեխաների պաշտպանության համաշխարհային օրվա հիմնական ուղերձն է «Լսիր ապագային», որն ընդգծում է երեխաների դերը մեր հասարակության մեջ և ներկա ճգնաժամերի պայմաններում նրանց իրավունքները պաշտպանելու անհրաժեշտությունը։
Վրաստանում երիտասարդները պայքարում են իրենց իրավունքները, ազատությունը և իրենց երկրի եվրոպական ապագան պաշտպանելու համար։ Մենք ամուր կանգնած ենք նրանց կողքին և ընդգծում ենք խոսքի և հավաքների ազատության նրանց հիմնարար իրավունքները հարգելու անհրաժեշտությունը։
Մենք շարունակում ենք պաշտպանել երեխաներին և երիտասարդներին բռնությունից և լսել նրանց ձայնը։ Եվրամիությունն աջակցում է Վրաստանին յուրաքանչյուր երեխայի և երիտասարդի համար անվտանգ միջավայր ստեղծելու գործում»,- ասված է ԵՄ ներկայացուցչության հայտարարության մեջ։
Երիտասարդները, այդ թվում՝ ուսանողները, ակտիվորեն մասնակցում են բողոքի ցույցերին, որոնք անցկացվում են հոկտեմբերի 26-ի խորհրդարանական ընտրություններից հետո գրեթե ամեն օր։ Նրանք կարծում են, որ ընտրությունները կեղծվել են և սատարում են նոր ընտրությունների պահանջը։ Մինչ այդ երիտասարդները բողոքում էին «Վրացական երազանքի» կողմից ընդունված այսպես կոչված «օտարերկրյա գործակալների» մասին ռուսական օրենքի դեմ։ Վերոնշյալ օրենքը դադարեցրեց Եվրամիությանը Վրաստանի անդամակցության գործընթացը։
