Վիճակագրության ազգային ծառայության տվյալների համաձայն՝ ընթացիկ տարվա երրորդ եռամսյակում Վրաստանում միջին ամսական աշխատավարձը կազմել է 1 855 լարի։ Նախորդ տարվա նույն ժամանակահատվածի համեմատ միջին աշխատավարձն աճել է 16.3%-ով, կամ 260.4 լարիով։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 3 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 4 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 5 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
- 6 Միջազգային ընտրական վարչությունը պետք է նորովի անցկացնի ընտրությունները. Վաշաձե
Ամենացածր միջին աշխատավարձը կրթության ոլորտում է՝ 1 039 լարի, ինչպես նաև ջրամատակարարման և թափոնների կառավարման ոլորտում՝ 1 150 լարի, գյուղատնտեսության, անտառային տնտեսության և ձկնաբուծության ոլորտում՝ 1 234 լարի։
Ամենաբարձր միջին աշխատավարձը Թբիլիսիում է և կազմում է 2 160 լարի, իսկ ամենացածրը՝ Կախեթիում՝ 1 160 լարի և Ռաճա-Լեչխում-Քվեմո Սվանեթիում՝ 946 լարի։
Երրորդ եռամսյակում բիզնես ոլորտում վարձու աշխատողների միջին ամսական աշխատավարձն աճել է 293 լարիով (17․1%) և կազմել 2 007 լարի։ Ըստ գործունեության տեսակի՝ ամենաբարձր աշխատավարձն արձանագրվում է տեղեկատվության և կապի ոլորտում (4 073 լարի, ավելացել է 18․6%-ով), ինչպես նաև շինարարությունում (3 037 լարի, ավելացել է 31․8%-ով)։
Ոչ ձեռնարկատիրական և ֆինանսական հատվածում միջին ամսական աշխատավարձը նախորդ տարվա համապատասխան ժամանակահատվածի համեմատ աճել է 199 լարիով (14%) և կազմել 1579․5 լարի։ Ֆինանսական և ապահովագրական գործունեությամբ զբաղվողներն ունեն համեմատաբար բարձր միջին աշխատավարձ (2 807 լարի):
Ըստ Սաքստատ-ի՝ երրորդ եռամսյակում կանանց միջին աշխատավարձը կազմել է 1 459 լարի, իսկ տղամարդկանցը՝ 2 233 լարի։ Կանանց աշխատավարձի տարեկան աճը կազմել է 193 լարի (15%), իսկ տղամարդկանցը՝ 329 լարի (17%)։ Բոլոր ոլորտներում տղամարդկանց աշխատավարձն ավելի բարձր է եղել, քան կանանցը:
