Վրաստանի օդանավակայանների միության գլխավոր տնօրեն Իրակլի Քարքաշաձեի խոսքով՝ Wizz Air-ի ինքնաթիռում պայթուցիկ նյութի առկայությունը չի հաստատվել, իսկ Քութայիսի-Բարսելոնա չվերթը կկայանա այսօր՝ ժամը 19:00-ին։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
«Համապատասխան ծառայությունները ընթացակարգեր են իրականացնում, իրենք էլ հայտարարություն կանեն, սակայն մեզ հասանելիք տեղեկություններով այս պահին պայթուցիկ նյութի առկայության մասին տեղեկությունը չի հաստատվել։ Մենք ավարտել ենք ուղևորների ստուգումը, և նրանք գտնվում են մեկնման սրահում: Քութայիսիի միջազգային օդանավակայանն ամբողջությամբ վերադարձել է աշխատանքի սովորական ռիթմին, և մենք շարունակում ենք ինքնաթիռներ ընդունել»,- ասել է Քարքաշաձեն։
Ավելի ուշ հայտարարություն է տարածել նաև Քութայիսիի միջազգային օդանավակայանի ղեկավարությունը։ Դրանում նշվում է, որ Պետական անվտանգության ծառայության հակաահաբեկչական ստորաբաժանումները ՆԳՆ-ի հետ միասին օպերատիվ կերպով իրականացրել են արձանագրությամբ նախատեսված բոլոր անհրաժեշտ և անհետաձգելի հատուկ միջոցառումները՝ ինքնաթիռում պայթուցիկ սարքի առկայության մասին ստացված ծանուցման համաձայն։
«Նշված չվերթում պայթուցիկ սարք կամ նյութ չի հայտնաբերվել։ Փաստի առթիվ կատարվում է քննություն»,- հայտնել են օդանավակայանից։
Wizz Air ավիաընկերության W66417 չվերթի ինքնաթիռն այսօր՝ ժամը 12:45-ին, օդ է բարձրացել Բարսելոնայի ուղղությամբ, սակայն մոտ 10 րոպեից կրկին վայրէջք է կատարել Քութայիսիի միջազգային օդանավակայանում։ Անձնակազմը որոշել է վերադառնալ ինքնաթիռում պայթուցիկ նյութերի հավանական առկայության մասին տեղեկություն ստանալուց հետո։ Ինքնաթիռում եղել է 148 ուղևոր և անձնակազմի 6 անդամ։
Միջադեպի պատճառով Քութայիսիի օդանավակայանի աշխատանքը ընդհատվել է։
