Վրաստանի խորհրդարանի անդամ, «Վրացական երազանքից» Փոթիի, Խոբիի և Սենակիի մեծամասնական պատգամավոր, 51-ամյա Իրակլի Խախուբիային, Թբիլիսիի իր տանը, ընտանիքի անդամները մահացած են գտել։ Պատգամավորը հավանաբար ինքնասպան է եղել: Դեպքի վայրում հայտնաբերվել է հրազեն։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
ՆԳՆ-ն հետաքննություն է սկսել քրեական օրենսգրքի 115-րդ՝ ինքնասպանության դրդում հոդվածով։
2016-2020 թվականներին «Վրացական երազանքից» Իրակլի Խախուբիան եղել է Փոթիի մեծամասնական պատգամավոր, իսկ 2020 թվականի հոկտեմբերի 31-ի խորհրդարանական ընտրությունների արդյունքում ընտրվել է Փոթիի, Խոբիի և Սենակիի մեծամասնական պատգամավոր։
2017 թվականի մայիսին Իրակլի Խախուբիայի որդին՝ 21-ամյա Բեքա Խախուբիան, մահացել է Գորիի թունելի մոտ տեղի ունեցած ճանապարհատրանսպորտային պատահարի հետևանքով։ Պաշտոնական տեղեկություններով՝ Բեքա Խախուբիան վարել է «BMW» մակնիշի ավտոմեքենան, չի ենթարկվել պարեկային ոստիկանության՝ մեքենան կանգնեցնելու պահանջին, ինչից հետո ոստիկանները բեռնատարով փակել են նրա ճանապարհը։ Բեքա Խախուբիան բախվել է բեռնատարին ու տեղում մահացել: Բեքա Խախուբիայի մահվան գործով Գորիի շրջանային դատարանը մեղավոր է ճանաչել երկու ոստիկանի՝ Զուրաբ Ռուսիշվիլիին դատապարտելով 1,6, իսկ Գիա Սադաղաշվիլին՝ 2,6 տարվա ազատազրկման։