Խուլոյի մունիցիպալիտետի Դիոկնիսիի համայնքում սողանքային գործընթացներ են զարգացել, ինչի պատճառով Գելաձեեբի գյուղ տանող միակ ճանապարհը դարձել է անանցանելի։ Պակսաձեեբի գյուղում 7 ընտանիք ստիպված է եղել լքել իր բնակավայրը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Պակսաձեեբի գյուղում հունվարի 18-ի ուշ գիշերին սողանք է տեղի ունեցել։ Ինչպես «Վրաստանի լուրերին» են հայտնել մունիցիպալիտետի քաղաքապետարանից, սողանքային գոտին դեռ ակտիվ է, և երկրաբանները խորհուրդ չեն տալիս ընտանիքներին վերադառնալ տուն։ Սողանքի տարածքում ապրող 7 ընտանիք վարձով տեղափոխվել է Պակսաձեեբի և այլ գյուղեր։
Դիոկնիսիի համայնքում քաղաքապետի ներկայացուցիչ Գուրամ Կախաձեի խոսքով՝ Գելաձեեբի գյուղը կտրվել է արտաքին աշխարհից։
«Գյուղում 67 տուն կա։ Բնակչությունը պատրաստված և մատակարարված է ձմռան համար։ Ոչ ոք շտապ բժշկական օգնության կարիք չի ունեցել։ Անհրաժեշտության դեպքում և՛ քաղաքապետարանը, և՛ փրկարար ծառայությունը պատրաստ են ամեն տեսակի օգնություն ցուցաբերել բնակիչներին»,- ասել է քաղաքապետի ներկայացուցիչը։
Խուլոյում կան բազմաթիվ սողանքավտանգ գոտիներ։ Հունվարի սկզբին մի քանի օր տեղացած անձրևների հետևանքով Չաո գյուղում սողանքային գործընթացներ են զարգացել և վտանգ ստեղծել մի քանի ընտանիքի համար։
