Կենտրոնական ընտրական հանձնաժողովի տվյալներով՝ մինչև ժամը 17:00-ն խորհրդարանական ընտրություններին մասնակցել է 1 768 816 մարդ, որը կազմում է ընտրողների ընդհանուր թվի 50,06%-ը։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 5 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
- 6 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
Ըստ մարզերի՝ ակտիվությունը բաշխվել է հետևյալ կերպ.
- Սամեգրելո-Զեմո Սվանեթի - 160,651 (47,84%),
- Իմերեթի - 264,496 (51,26%),
- Սամցխե Ջավախեթի - 75207 (52,38%),
- Կախեթի - 151,339 (51,33%),
- Գուրիա - 55,304 (53,74%),
- Քվեմո Քարթլի - 169,472 (42,29%),
- Շիդա Քարթլի - 119 444 (50,67%),
- Ռաճա-Լեչխումի - 17 989 (61,81%),
- Աջարիա - 168 233 (53,05%),
- Մցխեթա-Մթիանեթի - 46132 (51,93%),
- Թբիլիսի - 540 549 (52,42%)։
2020 թվականի խորհրդարանական ընտրություններին ընտրողների մասնակցությունը ժամը 17։00-ի դրությամբ կազմել է 45,77 տոկոս։
Հոկտեմբերի 26-ի ընտրություններին ընտրողների ընդհանուր թիվը 3 508 294 է։ Էլեկտրոնային տեխնոլոգիաների կիրառմամբ ընտրություններին մասնակցում է 3 113 747 ընտրող։ Այս տարի առաջին անգամ ընտրություններին մասնակցելու հնարավորություն ունի 135 922 երիտասարդ։ Շրջիկ քվեատուփերի ցուցակում կա 64 238 ընտրող։ Այլ երկրներում ստեղծված ընտրական տեղամասերի հատուկ ցուցակներում ընտրողների թիվը 95 910 է։
Խորհրդարանական ընտրություններին գրանցվել է 18 ընտրական սուբյեկտ։
Քվեարկությունն ավարտվում է ժամը 20:00-ին, սակայն այս պահին հերթ կանգնած ընտրողները կարող են քվեարկել, որի համար հանձնաժողովի անդամներից մեկը կգրանցի հերթում կանգնած ընտրողներին, և նրանք կկարողանան քվեարկել։
