Respublikaçıların nəzarətində olan Amerika Birləşmiş Ştatlarının Nümayəndələr Palatası Ukraynaya hərbi yardımın ayrılması haqqında qanun layihəsini 112 əleyhinə 311 lehinə səslə dəstəkləyib. Ukrayna prezidenti bildirib ki, bu qərar həyati əhəmiyyət kəsb edir.
Əsas xəbərlər
Oxucunun seçimi
- 1 Bu qanun nə Avropa, nə də Amerika qanunudur - Aİ səfiri rus qanunu barədə
- 2 “İvanişviliyə offşorlarda gizlədilən əmlakını ölkəyə gətirməyə icazə verilir”, - qanunda nə dəyişir
- 3 Bidzina İvanişvilinin anti-qərb mesajları
- 4 BMT Gürcüstanı rus qanunu geri götürməyə çağırır
- 5 Siz [reaksiyamızı] gözləyə bilərsiniz - Dövlət Departamenti rus qanunu haqda
- 6 Böyük Britaniya da “Gürcü Arzusu” rus qanununu tənqid edir
Qanun layihəsi Ukrayna üçün təxminən 61 milyard dolların ayrılmasını nəzərdə tutur. CCN TV-nin verdiyi məlumata görə, bu məbləğin təqribən 23 milyardı Amerika silahlarının ehtiyatının artırılması, 11 milyardı ABŞ-ın regiondakı əməliyyatlarının maliyyələşdirilməsi, təxminən 14 milyardı isə Ukrayna üçün müasir silah və müdafiə sistemlərinin alınması üçün nəzərdə tutulub. Bundan əlavə, qanun layihəsinə İsrail və Tayvan üçün 26 milyard dollar yardım daxildir.
Ukrayna Prezidenti Volodimir Zelenski Konqres üzvlərinə və spiker Mayk Consona təşəkkür edib. O deyib ki, bu, əbhə xəttindəki əsgərlər və həmçinin “Rusiya terroru”ndan əziyyət çəkən Ukrayna kənd və qəsəbələri tərəfindən hiss olunacaq çox mühüm yardımdır. “Biz Amerikanın dəstəyindən Putinin itirməli olduğu bu müharibəyə ədalətli şəkildə son qoymaq üçün istifadə edəcəyik”, - Zelenski bildirib.
Konqresin qərarına Rusiya hökuməti də cavab verib. Xarici İşlər Nazirliyinin rəsmisi Mariya Zaxarova CNN telekanalına müsahibəsində bildirib ki, xarici yardım paketi “qlobal böhranı daha da gücləndirəcək”. Rusiyanın BMT-dəki daimi nümayəndəsinin birinci müavini Dmitri Polyanskinin sözlərinə görə, yeni hərbi yardım “Kiyev rejiminin sonu”nun qarşısını ala bilməz.
Konqresin aşağı palatası respublikaçılarla demokratlar arasında fikir ayrılığı səbəbindən ötən ilin payızından Ukraynaya hərbi yardımın ayrılması məsələsini təsdiq edə bilməmişdi. Aprelin 20-də qanun layihəsi demokratlar tərəfindən yekdilliklə dəstəklənib, respublikaçıların səsləri isə bölünmüşdü. Aprelin 23-də sənəd Senat tərəfindən təsdiqlənəcək, ondan sonra prezident Co Bayden tərəfindən imzalanacaq.
“BBC”nin verdiyi məlumata görə, bir həftə əvvəl Ukrayna ordusunun komandanı general Aleksandr Sırski ölkənin şərqindəki döyüş meydanında vəziyyətin “xeyli dərəcədə pisləşdiyini” bildirib. Generalın fikrincə, yeni yardımlar və mürəkkəb silahlar olmadan Ukrayna sayca üstün olan Rusiya qüvvələrinin “strateji təşəbbüsünü ələ keçirə” bilməyəcək. BBC yazırdı ki, 1200 kilometrlik cəbhə xəttində ukraynalı əsgərlər kifayət qədər sursata malik deyil və artilleriya mərmilərinə qənaət etməli olurlar.
Martın sonunda Volodimir Zelenski Rusiyanın növbəti böyük hücuma hazırlaşdığını və bunu mayın sonunda və ya iyunun sonunda həyata keçirmək niyyətində olduğunu açıqlamışdı.
