Gürcüstanda təmsil olunan alman siyasi fondları “Gürcü arzusu”nun rus tipli qanunu ilə bağlı dərin narahatlığını bildirir. Onların fikrincə, qanuna yenidən baxılması ölkənin beynəlxalq reputasiyasına və Qərb tərəfdaşları ilə münasibətlərinə mahiyyətcə xələl gətirir.
Əsas xəbərlər
Oxucunun seçimi
- 1 Bidzina İvanişvilinin anti-qərb mesajları
- 2 “İvanişviliyə offşorlarda gizlədilən əmlakını ölkəyə gətirməyə icazə verilir”, - qanunda nə dəyişir
- 3 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 4 Mənim vetom xalqın səsi olacaq və aydın şəkildə eşidiləcək – Zurabişvili
- 5 Şarl Mişel rus qanunu ilə bağlı: “Bu, Gürcüstanın Avropa istəkləri ilə uyğunsuzdur”
- 6 “Gürcü Arzusu” aprelin 29-da rus qanununa dəstək aksiyası keçirəcək
“Qanunun qəbulu Gürcüstanın demokratikləşməsi prosesinə ən böyük töhfə vermiş Gürcüstan vətəndaş cəmiyyəti təşkilatlarının və müstəqil KİV-in işinə ciddi ziyan vuracaq. Bu, tənqidi səslər üçün məkanı daha da azaldacaq və qütbləşməni təşviq edəcək”, - “Heinrich Böll”, “Friedrich Ebert”, “Friedrich Naumann” və “Konrad Adenauer” fondlarının imzaladığı bəyanatda deyilir.
Almaniya fondları bildirirlər ki, Gürcüstan vətəndaşları dəfələrlə Gürcüstanın Avropa gələcəyinə dair güclü istəklərini və qanuna qəti etirazlarını bildiriblər.
“Biz bir çox hörmətli qurumlar tərəfindən qanunun tənqidinə şərikik. Biz Gürcüstan parlamentini gürcü və beynəlxalq maraqlı tərəflərin narahatlığını ciddi qəbul etməyə və qanunu dəstəkləməməyə çağırırıq.
İyirmi il əvvəl Gürcüstanda fəaliyyətə başladığımız gündən vətəndaş cəmiyyəti təşkilatları və müstəqil media bizim dəyərli tərəfdaşlarımız olub”, - deyə fondlar qeyd edir və qanun qəbul olunarsa, Gürcüstan üçün həyati əhəmiyyət kəsb edən işlərinin ciddi maneələrlə üzləşəcəyini bildirirlər.
“Bundan başqa, biz çox təəssüf edirik ki, qanunun qəbulu Gürcüstanın Avropa İttifaqına tam inteqrasiyasını təmin etmək üçün Gürcüstanın konstitusiya öhdəliyinə ziddir”, - bəyanatda oxuyuruq.
aprel 2024-cü ildə “Gürcü Arzusu” bir il əvvəl minlərlə insanın iştirak etdiyi aksiya nəticəsində geri götürülən “xarici agentlər” haqqında rus qanunu bir daha qəbul etməyəcəyinə söz verməsinə baxmayaraq onu təkrardan irəli sürüb. Rus qanunu beynəlxalq təşkilatların qrant dəstəyi ilə fəaliyyət göstərən və hökumət və ya əlaqəli qruplar tərəfindən idarə oluna bilməyən müstəqil media və qeyri-hökumət təşkilatlarının xarici agent kimi qeydiyyatdan keçməsini tələb edir. Aprelin 17-də parlamentin 83 üzvü birinci oxunuşda rus qanununu dəstəkləyib, bu gün, aprelin 29-da isə qanuna ikinci oxunuşda Hüquq Məsələləri Komitəsində baxılır.
