Վրաստանում ներկայացված գերմանական քաղաքական հիմնադրամները խորը մտահոգություն են հայտնում «Վրացական երազանքի» ռուսական օրենքի առնչությամբ։ Ըստ նրանց՝ օրենքի քննարկումն էականորեն վնաս է հասցնում երկրի միջազգային վարկանիշին և արևմտյան գործընկերների հետ հարաբերություններին։
Լրահոս
Ընթերցողի ընտրանի
- 1 «Վրաստանը Ջորջիան չէ». ինչ են ասում Մոսկվայից Թբիլիսիում շարունակվող բողոքի ակցիաների մասին
- 2 Կառավարությունը մայիսի 7-ը, 8-ը և 10-ը հայտարարել է ոչ աշխատանքային օրեր
- 3 Ստանո՞ւմ ես ֆինանսավորման ավելի քան 20%-ը դրսից, հայտարարագրի՛ր․ Լավրովը՝ «Երազանքի» ռուսական օրենքի մասին
- 4 Սա բռնություն է սահմանադրության նկատմամբ, Իվանիշվիլիի ելույթը սադրիչ էր. Նախագահը՝ դեսպաններին
- 5 Գերմանիան Վրաստանի կառավարությանը կոչ է արել չխոչընդոտել երկրի ուղին դեպի եվրոպական ապագա
- 6 «Բոլորը մեկ մարդու նման Ռուսթավելի»․ հանրային ծառայողների մոբիլիզացիան «Երազանքի» հակաակցիայի համար
«Օրենքի ընդունումը էապես կվնասի Վրաստանի քաղաքացիական հասարակության կազմակերպությունների և անկախ լրատվամիջոցների աշխատանքին, որոնք ամենամեծ ներդրումն են ունեցել Վրաստանի ժողովրդավարացման գործընթացում։ Սա էլ ավելի կնվազեցնի քննադատական ձայների տարածությունը և կխթանի բևեռացումը»,- ասվում է Հայնրիխ Բյոլի, Ֆրիդրիխ Էբերտի, Ֆրիդրիխ Նաումանի և Կոնրադ Ադենաուերի հիմնադրամների ստորագրած հայտարարության մեջ։
Գերմանական հիմնադրամները նշում են, որ Վրաստանի քաղաքացիները բազմիցս արտահայտել են Վրաստանի եվրոպական ապագայի իրենց վճռական ցանկությունը և իրենց կտրականապես դեմ են արտահայտվել օրենքին։
«Մենք կիսում ենք օրենքի վերաբերյալ բազմաթիվ հարգված կառույցների կողմից արտահայտված քննադատությունը։ Մենք կոչ ենք անում Վրաստանի խորհրդարանին լրջորեն վերաբերվել վրացական և միջազգային շահագրգիռ կողմերի մտահոգություններին և չաջակցել օրենքին։
Քաղաքացիական հասարակության կազմակերպություններն ու անկախ լրատվամիջոցները մեր արժեքավոր գործընկերներն են այն բանից հետո, երբ երկու տասնամյակ առաջ մենք սկսեցին աշխատել Վրաստանում»,- ասում են հիմնադրամները՝ նշելով, որ եթե օրենքը ընդունվի, Վրաստանի համար կենսական նշանակություն ունեցող իրենց աշխատանքը լուրջ խոչընդոտների կհանդիպի։
Ավելին, մենք խորապես ափսոսում ենք, որ օրենքի ընդունումը հակասում է Վրաստանի սահմանադրական պարտավորությանը` ապահովելու Վրաստանի ամբողջական ինտեգրումը Եվրամիությանը»,- ասվում է հայտարարության մեջ։
2024 թվականի ապրիլի 3-ին «Վրացական երազանքը» կրկին օրակարգ բերեց այսպես կոչված «օտարերկրյա գործակալների» մասին ռուսական օրենքը, որը մեկ տարի առաջ բազմահազարանոց բողոքի ակցիաներից հետո ետ կանչվեց, և եղավ խոստում, որ այն երբեք չի ընդունվի։ «Ռուսական օրենքը» պարտավորեցնում է անկախ լրատվամիջոցներին և ոչ կառավարական կազմակերպություններին, որոնք աշխատում են միջազգային կազմակերպությունների դրամաշնորհային աջակցությամբ և չեն վերահսկվում կառավարության կամ նրա հետ կապված խմբերի կողմից, գրանցվել որպես օտարերկրյա գործակալ։ Ապրիլի 17-ին Վրաստանի խորհրդարանի 83 պատգամավորներ առաջին ընթերցմամբ սատարեցին ռուսական օրենքին։ Այսօր՝ ապրիլի 29-ին, ռուսական օրենքը երկրորդ ընթերցմամբ քննարկվում է խորհրդարանի իրավական հարցերի հանձնաժողովի նիստում։
