Avropa Komissiyasının vitse-prezidenti, dəyərlər və şəffaflıq üzrə Avropa komissarı Vera Yurova Brüsseldə Gürcüstanın Xarici İşlər Naziri İlya Darçiaşvili ilə görüşü zamanı “xarici agentlər” haqqında rus qanununu da müzakirə edib.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
- 6 Qanun dəyişdirilməsə, məsul şəxslərə və onların ailələrinə qarşı məhdudiyyətlər tətbiq olunacaq - O’Brayen
“Mən nazirə həmçinin xaricdən maliyyələşmənin şəffaflığını artırmaq məqsədi daşıyan Demokratiyanın Müdafiəsi Direktivimizlə tanış olmağı tövsiyə etdim. Lakin mən hesab edirəm ki, Avropa İttifaqı qeyri-hökumət təşkilatlarını ləkələmədən və onları xarici agent kimi qələmə vermədən bunu etməyi planlaşdırır”, - deyə Vera Yurova “İmedi” teleşirkətinin jurnalisti ondan Avropa İttifaqının direktivinin əsas mesajının nə olduğu barədə soruşduqdan sonra bildirib.
“Bizim direktivimizin əsas mesajı ondan ibarətdir ki, biz kimin kimin pulu üçün hansı lobbiçiliklə məşğul olduğunu bilməliyik. Avropa və Gürcüstan qanunvericiliyinin fərqi ondan ibarətdir ki, biz belə qurumlar kimi qeyri-hökumət təşkilatlarını müəyyən etmirik. Söhbət Avropanın vahid bazarında fəaliyyət göstərən qurumlardan gedir - bu biri və digəri - biz kənardan pul deyil, üçüncü ölkə hökumətləri ilə müqavilələr haqqında bilmək istəyirik. Bunlar çox böyük fərqlərdir. Beləliklə, mənim mesajım bu idi - xahiş edirəm, bunu necə təklif etdiyimizi öyrənin, çünki bu, qeyri-hökumət təşkilatlarını damğalamalı olan bir şey deyil”, - Avropa komissarı bildirib.
“Gürcüstan qanunvericiliyinin əsas problemi damğalanmadırmı, yoxsa başqa problemlər varmı” sualına cavab olaraq Vera Yurova deyib ki, bu, qanunun necə şərh edilməsindən və icrasından asılıdır.
“Bu [qanun] kağız üzərində yaxşı görünə bilər və biz xaricdən maliyyələşmənin şəffaflığına nail olmaq zərurəti ilə razılaşırıq. Eyni zamanda, hesab edirəm ki, biz belə bir qanunla qeydiyyatda olanların mümkün damğalanmasının qarşısını ala bilərik”, - Yurova bildirib.
Vera Yurova bu açıqlamadan əlavə “X” sosial şəbəkəsində yazıb ki, düzgün yanaşma şəffaflığa diqqət yetirməkdir və Gürcüstan Avropa İttifaqından ilham almalıdır. “Sanksiyalara/dam]alamaya/fəaliyyətin məhdudlaşdırılmasına diqqət yetirmək Aİ-nin yanaşmasına uyğun deyil”, - deyə o yazıb.
“Gürcü Arzusu”nun deputatları Avropa Komissiyasının ötən ilin sonunda təşəbbüsü ilə irəli sürülən və hələ də təsdiqlənməmiş direktivindən tez-tez onların təşəbbüsü ilə irəli sürülən rus qanununa haqq qazandırmaq üçün istifadə edirlər. Almaniya kansleri Olaf Şoltz aprelin 12-də baş nazir İrakli Koxidze ilə görüşü zamanı bildirib ki, “bu, tamamilə fərqli konsepsiyadır” və hələlik məsələ ilə bağlı qərar qəbul edilməyib.
3 aprel 2024-cü ildə “Gürcü Arzusu” bir il əvvəl minlərlə insanın iştirak etdiyi aksiyalar nəticəsində geri götürülən “xarici agentlər” haqqında rus qanununu bir daha qəbul etməyəcəyinə söz verməsinə baxmayaraq təkrardan irəli sürüb.
Rus qanunu beynəlxalq təşkilatların qrant dəstəyi ilə fəaliyyət göstərən və hökumət və ya əlaqəli qruplar tərəfindən idarə oluna bilməyən müstəqil media və qeyri-hökumət təşkilatlarının xarici agent kimi qeydiyyatdan keçməsini tələb edir. 150-dən çox qeyri-hökumət təşkilatı və media qurumu heç bir halda “ləyaqət alçaldan reyestrdə” qeydiyyatdan keçməyəcəkləri ilə bağlı bəyanat yayıb.
Aprelin 17-də 83 deputat rus qanununu birinci oxunuşda dəstəkləyib, bu gün, aprelin 30-da “Gürcü Arzusu” onu ikinci oxunuşda qəbul etməyə çalışacaq.
Aprelin 15-dən Tbilisidə hər gün rus qanununa qarşı kütləvi etiraz aksiyaları keçirilir. 28 aprel nümayişində on minlərlə insan iştirak edib.
