Baş nazir İrakli Kobaxidze Levan Samxarauli adına Milli Məhkəmə Ekspertizası Bürosunun rəhbəri Mamuka Canqulaşvilini vəzifəsindən azad edib.
Əsas xəbərlər
Müvafiq sərəncamı Kobaxidze avqustun 14-də verib. Canqulaşvilinin vəzifədən azad edilməsinə nəyin səbəb olduğu məlum deyil.
Mamuka Canqulaşvili 2021-ci ilin martında keçmiş baş nazir İrakli Ğaribaşvilinin sərəncamı ilə Milli Məhkəmə Ekspertizası Bürosunun rəhbəri vəzifəsinə təyin edilmişdi. Bundan əvvəl, 2006-cı ildən Maliyyə Nazirliyinin istintaq idarələrində işləyib. 2015-ci ildən Gəlirlər Xidmətinin vergi monitorinqi şöbəsinin rəisi, 2018-2021-ci illərdə isə gömrük idarəsinin rəisi vəzifəsində çalışıb.
Qanuna əsasən, PHŞ Levan Samxarauli adına Milli Məhkəmə Ekspertizası Bürosunun rəhbəri Gürcüstanın Baş naziri tərəfindən vəzifəyə təyin və vəzifədən azad edilir.
