Amerika Birləşmiş Ştatlarının prezidenti Co Bayden Çini “saatlı bomba” adlandırıb və ölkənin iqtisadi çətinlikləri olduğunu bildirib. Baydenin sözlərinə görə, ABŞ-dan sonra dünyanın ən böyük iqtisadiyyatı olan Çin yavaş artım və yüksək işsizlik göstəricisi səbəbindən problem yaşayır.
Əsas xəbərlər
“Onların müəyyən problemləri var və bu yaxşı deyil, çünki pis insanlar problemlərlə üzləşdikdə pis işlər görürlər”, - Amerika prezidenti bildirib.
Bu bəyanatın əvvəlində Co Bayden Amerikanın Çin texnologiya bazarına investisiyalarını qismən məhdudlaşdıran yeni bir sərəncam imzalayıb. Məhdudiyyətlər üç sektora - müəyyən süni intellekt sistemlərinə, kvant informasiya texnologiyalarına və yarımkeçiricilərə və mikroelektronikaya şamil olunacaq. “Ağ Ev” bildirir ki, qərarın səbəbi iqtisadi maraqlar yox, milli təhlükəsizlik məsələsidir.
Co Bayden iyun ayında Çin haqqında da danışarkən ölkə prezidenti Si Cinpini “diktator” adlandırıb və bu Pekində təxribat kimi qiymətləndirilib.
Qeyd edək ki, Gürcüstan və Çin strateji tərəfdaşlıq haqqında razılığa gəliblər. Bu barədə qərar ötən ayın sonunda baş nazir İrakli Ğaribaşvilinin Pekinə səfəri zamanı Si Cinpinlə görüşü zamanı qəbul edilib. Görüşdən sonra tərəflər “kəmər və yol təşəbbüsü” çərçivəsində ikitərəfli əməkdaşlıq planı imzalayıblar. İtaliya bu təşəbbüsdən bir neçə həftə əvvəl çıxıb. İrakli Ğaribaşvilinin Çinə səfəri ilə bağlı ABŞ-ın Gürcüstandakı səfiri Kelli Deqnan bildirib ki, Çinlə hansı münasibət qurmaq istədiyinə Gürcüstan hökumətinin öz işidir, lakin o, baş nazirə xatırladıb ki, artıq bir neçə ölkə “kəmər və yol təşəbbüsü”ndən üz çevirib. Amerikalı diplomat bu qərarın Gürcüstanı yaxşı nəticələrə aparacağına ümid etdiyini bildirib.
