Belçika Gürcüstanı təhlükəsiz ölkələr siyahısından çıxarıb. Bu siyahı ildə bir dəfə Brüsseldə ölkələrdəki son vəziyyətə uyğun yenilənir və qanunun aliliyi, insan hüquqlarının müdafiəsi, demokratik institutların fəaliyyəti, siyasi sabitlik baxımından vəziyyət nəzərə alınır.
Əsas xəbərlər
“Belçikanın qərarını digər Aİ ölkələrinin qərarı da müçaiət edə bilər. Odur ki, vizasız gediş-gəlişin dayandırılmasının gündəmdə olması təhlükəsi var”, -
Bu barədə 2005-2013-cü illərdə Gürcüstanın Belçika və Lüksemburqda səfiri olmuş “Lelo” partiyasından Gürcüstan parlamentinin deputatı Salome Samadaşvili bildirib.
Gürcüstan 2016-cı ildən Albaniya, Bosniya və Herseqovina, Şimali Makedoniya, Kosovo, Serbiya, Monteneqro və Hindistanla birlikdə təhlükəsiz ölkələr siyahısındadır.
Belçika hökumətinin qərarına əsasən, Gürcüstan istisna olmaqla, bütün bu ölkələr qanunda nəzərdə tutulan meyarlara uyğun olduqlarını nəzərə alaraq, bu yaxınlarda yenilənmiş siyahıda qalıblar.
Gürcüstanın Belçikadakı fövqəladə və səlahiyyətli səfiri Vaxtanq Maxaroblişvili deyir ki, Gürcüstanın təhlükəsiz ölkələr siyahısından çıxarılması texniki səhv və ya müəyyən statistik məlumatlarla bağlı ola bilər.
“Belçika Xarici İşlər Nazirliyi ilə aktiv məsləhətləşmələrimiz oldu və açıq şəkildə deyə bilərəm ki, nazirlik Gürcüstanın təhlükəsiz ölkələr siyahısında qalması ilə bağlı müsbət münasibəti və tövsiyəsi olub. Müvafiq olaraq, bu tip qərarlar bəzən müəyyən texniki və statistik məlumatlar əsasında qəbul edilir.
Bu il sığınacaq axtaranların sayında azalma var. Xarici İşlər və Daxili İşlər Nazirlikləri ilə məsləhətləşmələrimiz oldu, Belçika qurumları arasında daxili kommunikasiyalar da gedir və yəqin ki, yaxın gələcəkdə onlar konkret, ola bilsin, texniki və statistik səbəbləri aydınlaşdıracaqlar”, - deyə Maxaroblişvili bildirib.
Vizasız rejimin dayandırılmasına gəlincə, səfirin sözlərinə görə, Avropa İttifaqına vizasız gediş-gəliş təhlükə altında deyil və bununla bağlı Avropa İttifaqın tərəfindən hər hansı bir əlaqə olmayıb.
Belçikanın Qaçqınlar və Vətəndaşlığı olmayan Şəxslər üzrə Baş Müvəkkili İdarəsi təhlükəsiz ölkələrin vətəndaşlarına yalnız o halda müdafiə statusu verir ki, onlar ölkənin onların misalında təhlükəsiz olmadığını sübut etsinlər.
2023-cü ilin yanvar-iyun aylarında Belçikada beynəlxalq müdafiəni 409 Gürcüstan vətəndaşı tələb edib. Gürcüstan vətəndaşları Belçikada müdafiəyə ən çox müraciət edən ilk on ölkə sırasındadır.
