Gürcüstanda “xarici agentlər” haqqında qanunun qəbulu ilə bağlı Amerika Birləşmiş Ştatlarından daha çox reaksiya gözlənilir. Bu barədə dövlət katibi Entoni Blinken bildirib.
Əsas xəbərlər
Oxucunun seçimi
- 1 Hakim Qoridə saxlanlan fəalın işi üzrə bütün istintaq hərəkətlərini qanunsuz hesab edib
- 2 Parlamentin plenar iclasına kvorum olmadığı üçün başlanıla bilməyib
- 3 İyul ayından müəllimlərin maaşları artacaq
- 4 Tələbə hərəkatının lideri Niko Manaqadzeyə TDU yaxınlığında hücum olunub
- 5 “Gürcü Legionu”nun komandiri Mamuka Mamulaşvili zəhərləndiyini bildirib
- 6 ABŞ “Oçneba” üzvlərinə, deputatlarına və polis məmurlarına qarşı viza sanksiyaları tətbiq edib
Brukinqs İnstitutunun müzakirəsində Blinkenə verilən sual Gürcüstan, Ermənistan və Azərbaycanla bağlı olub.
“Siz regionda baş verən böyük dəyişiklikləri haqlı olaraq qeyd etdiniz. Bizim həm real narahatlıqlarımız, həm də real imkanlarımız var. Gürcüstanda “xarici agentlər” qanununu qeyd etdiniz. Biz və bir çox başqa ölkələr bununla bağlı, xüsusən də onun qəbulu ilə bağlı nəinki təkcə dərin narahatlığımızı ifadə etmişik, biz həmçinin bu narahatlığı ifadə etmək üçün addımlar da atmışıq. Düşünürəm ki, daha çoxunu görəcəksiniz. Hesab edirəm ki, bu, Gürcüstanın və gürcü xalqının əksəriyyətinin açıq şəkildə arzuladığı Gürcüstanın Avropa istiqamətinə açıq şəkildə ziddir.
Ermənistan və Azərbaycan - iki ölkə arasında onilliklər ərzində davam edən münaqişələrə son qoyacaq və faktiki olaraq regionda, hesab edirəm ki, iqtisadi əlaqələr, iqtisadi inkişaf, Şərq və Qərbi, Şimal və Cənubu birləşdirən böyük imkanlar yaradacaq sülh sazişinin reallaşdırılması üçün fövqəladə imkan mövcuddur. Azərbaycan burada həlledici rol oynayır. Biz Azərbaycan və Ermənistana sülh razılaşmasına nail olmaları üçün öz diplomatiyamızla böyük sərmayə qoymuşuq. Biz bunu Avropa İttifaqı ilə çox sıx əməkdaşlıq və koordinasiya şəraitində etdik. Hesab edirəm ki, bu, əldə edilə bilər və Azərbaycanın, Ermənistanın, eləcə də daha geniş regionun maraqlarını təmsil edir.
Beləliklə, biz çətinliklərə hazırıq, o cümlədən Gürcüstanda. Biz də bəzi imkanlara çox diqqət yetirmişik və bu fürsət realdır”, - Antoni Blinken bildirib.
Son zamanlar Gürcüstanla ABŞ arasında münasibətlər xüsusilə gərginləşib. “Gürcü Arzusu” hökumətindən sonra tərəfdaşlarının tənqidlərinə baxmayaraq, “xarici agentlər” haqqında rus qanunu qəbul edildikdən və etirazlar dağıdılandan sonra ABŞ maliyyə yardımının nəzərdən keçirilməsini əhatə edən ikitərəfli əməkdaşlığın hərtərəfli nəzərdən keçirilməsinə başladı. Bundan əlavə, Dövlət Departamenti viza sanksiyalarının birinci hissəsini açıqladı. Söhbət ABŞ ərazisinə girişi qadağan olunacaq 20-30 nəfərdən, o cümlədən “Gürcü Arzusu”nun üzvlərindən, deputatlardan, hüquq-mühafizə orqanlarının əməkdaşlarından və fiziki şəxslərdən gedir. Yayılan əlumatlara görə, sanksiya tətbiq edilənlər arasında “Gürcü Arzusu”nun deputatı Dimitri Samxaradze və Daxili İşlər Nazirliyinin Xüsusi Təyinatlılar İdarəsinin direktoru Zviad Xarazişvili də var.
