“Gürcü Arzusu”nun üzvü, Parlamentin Prosessual Məsələlər və Qaydalar Komitəsinin sədri İrakli Kadaqişvili Avropa İttifaqının Gürcüstan Müdafiə Qüvvələrinə ayrılan 30 milyon avroluq yardımı dondurmaq qərarına münasibət bildirib. Kadaqişvilinin sözlərinə görə, bu məbləğ heç nəyi həll etmir.
Əsas xəbərlər
Oxucunun seçimi
- 1 Məhkəmə MSK-nın mübahisələndirilən qərarını qüvvədə saxlayıb
- 2 Zelenski Kursk vilayətində əməliyyatın əsas vəzifəsi kimi “bufer zonasının yaradılmasını” hallandırıb
- 3 Hökumət Ədliyyə Evi üçün “Arzu” donorundan illik 704 880 lariyə yer icarəyə götürüb
- 4 “Oçneba” konstitusiya çoxluğunu əldə edəcəyi təqdirdə VMH və digər partiyaları ləğv etməklə hədələyir
- 5 Məntəqə komissiyası üzvlərinin funksiyalarının bölgüsü ilə bağlı MSK-nın qərarından məhkəməyə şikayət edilib
“Bir şeyi qeyd etmək lazımdır- Avropa İttifaqının missiyası iflasa uğramaq ərəfəsində olanda və Avropa İttifaqını rüsvay etməli olanda, Avropa İttifaqının yanında Avropa İttifaqı ölkəsinin yox, Gürcüstanın silahlı qüvvələri dayandı və Mərkəzi Afrika Respublikasındakı bu missiya bizim iştirakımızla pozulmadı.
Bu, 30 milyon heç nəyi həll etmir, düzünü desəm, ordumuzun bir başa silahlandırmasında belə istifadə olunmurdu.
Əgər siz bunu ordudan, yəni dövlət olaraq Gürcüstandan götürüb fəaliyyəti və büdcəsi şəffaf ola bilməyən qeyri-hökumət təşkilatlarına verirsinizsə, bu, ikili standartı göstərir”, - Kadaqişvili “Pirveli” televiziyasına deyib.
Avropa İttifaqının səfiri Pavel Herçinski dünən Avropa İttifaqının Avropa Sülh Fondundan Gürcüstana 30 milyon avro məbləğində vəsaitin verilməsini dayandırması və “vəziyyətin pisləşməsi” təqdirdə digər tədbirlərin görülməsinə baxılacağı barədə məlumatı təsdiqləyib. Bundan əlavə, Herçinski qeyd edib ki, Avropa İttifaqının Gürcüstan hökumətinə maliyyə dəstəyi həmişə vətəndaş cəmiyyətinin dəstəyindən on dəfə çox olub, lakin bu, rus qanununun qəbulundan sonra dəyişəcək.
Avropa Sülh Fondunun dəstəyi hər il artırdı - Gürcüstan Müdafiə Qüvvələrinin gücləndirilməsi üçün 2021-ci ilin dekabrında 12,75 milyon avro, 2022-ci ildə 20 milyon avro, 2023-cü ildə 30 milyon avro ayrılıb. Ötən il Gürcüstan Müdafiə Qüvvələrinin bölmələri üçün qeyri-öldürücü avadanlıq, təchizat, xidmətlər və ehtiyacdan asılı olaraq texniki təlimlər maliyyələşdirilib. Qeyri-öldürücü avadanlıqlara mühəndislik, komanda və idarəetmə, tibbi, logistika və kibermüdafiə avadanlıqları daxildir.
Gürcüstan parlamentinin sədri Şalva Papuaşvili iyulun 9-da 30 milyon avronun dondurulmasına münasibət bildirib. O, Aİ səfirinə cavab olaraq “Facebook”da yazıb ki, 2014-cü ildə “Gürcü Arzusu” hökuməti Aİ-nin Mərkəzi Afrika Respublikasındakı hərbi missiyasına 150 əsgər göndərməklə bu missiyanı uğursuzluqdan xilas edib.
Gürcüstan prezidenti Salome Zurabişvili Aİ-nin yardımının dayandırılmasını hakim partiyanın “ağılsız və düşmən siyasətinə” cavab kimi qiymətləndirib.
