„ქართული ოცნების“ წევრი, პარლამენტის საპროცედურო საკითხთა და წესების კომიტეტის თავმჯდომარე ირაკლი ქადაგიშვილი გამოეხმაურა ევროკავშირის გადაწყვეტილებას საქართველოს თავდაცვის ძალებისთვის 30 მილიონი ევროს დახმარების გაყინვის შესახებ. ქადაგიშვილის თქმით, ეს თანხა არაფერს წყვეტს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„ერთი რამ არის ხინჯის მატარებელი - როდესაც იმ შეიარაღებულ ძალებს, რომელიც ევროკავშირის მისია რომ იშლებოდა, ჩავარდნის პირას იყო და სირცხვილი უნდა ეჭამა ევროკავშირს, საქართველო, არა ევროკავშირის ქვეყანა, დაუდგა ევროკავშირს გვერდზე და ცენტრალური აფრიკის რესპუბლიკაში ეს მისია არ ჩაშალა ჩვენმა მონაწილეობამ.
ეს 30 მილიონი არაფერს არ წყვეტს და ეს პირდაპირ ჩვენს ჯარს არც შეიარაღებაში ხმარდებოდა, რეალურად რომ ვილაპარაკოთ.
ამას წაართმევ ჯარს, ანუ საქართველოს, როგორც სახელმწიფოს და აძლევ იმ არასამთავრობო ორგანიზაციებს, რომელთაც არ შეიძლება გამჭვირვალე ჰქონდეთ თავიანთი საქმიანობა და ბიუჯეტი, მეტყველებს ორმაგ სტანდარტზე“, - განაცხადა ქადაგიშვილმა ტელეკომპანია „პირველთან“.
ევროკავშირის ელჩმა პაველ ჰერჩინსკიმ გუშინ დაადასტურა ინფორმაცია, რომ ევროკავშირმა საქართველოსთვის ევროპული სამშვიდობო ფონდიდან 30 მილიონი ევროს მხადაჭერა შეაჩერა, ხოლო „სიტუაციის გაუარესების“ შემთხვევაში, სხვა ზომების მიღებაც განიხილება. ამასთან, ჰერჩინსკიმ აღნიშნა, რომ საქართველოს მთავრობებისადმი ევროკავშირის ფინანსური მხარდაჭერა ყოველთვის ათჯერ მეტი იყო სამოქალაქო საზოგადოების მხარდაჭერაზე, თუმცა, რუსული კანონის მიღების შემდეგ ეს შეიცვლება.
ევროპული სამშვიდობო ფონდის მხარდაჭერა მზარდი იყო - საქართველოს თავდაცვის ძალების გასაძლიერებლად 2021 წლის დეკემბერში 12.75 მილიონი დამტკიცდა, 2022 წელს - 20 მილიონი, ხოლო 2023 წელს - 30 მილიონი ევრო. გასულ წელს გამოყოფილი თანხით საქართველოს თავდაცვის ძალების დანაყოფებისთვის არალეტალური აღჭურვილობა, მომარაგება, მომსახურება და საჭიროების მიხედვით, ტექნიკური მომზადება დაფინანსდა. არალეტალურ აღჭურვილობაში იგულისხმება საინჟინრო, სამეთაურო-საკონტროლო, სამედიცინო, ლოგისტიკურ და კიბერთავდაცვით აღჭურვილობა.
30 მილიონი ევროს გაყინვას საქართველოს პარლამენტის თავმჯდომარე შალვა პაპუაშვილი 9 ივლისს გამოეხმაურა. ევროკავშირის ელჩის საპასუხოდ მან Facebook-ზე დაწერა, რომ 2014 წელს „ქართული ოცნების“ ხელისუფლებამ ცენტრალური აფრიკის რესპუბლიკაში, ევროკავშირის სამხედრო მისიაში 150 ჯარისკაცის გაგზავნით, ეს მისია ჩაშლას გადაარჩინა.
საქართველოს პრეზიდენტმა, სალომე ზურაბიშვილმა ევროკავშირის დახმარების შეჩერება მმართველი პარტიის „უგუნურ და მტრულ პოლიტიკაზე“ პასუხად შეაფასა.
