“Bu məsələ ilə bağlı tez-tez spekuliyasiyalar eşidirik. Nümunə kimi işsizlik səviyyəsini götürək - bu ilin birinci rübünü əvvəlki ilin birinci rübü ilə müqayisə etsək, Gürcüstanda işsizlik 4 faiz azalaraq 14% təşkil edib, yəni 18%-dən 14 %-ə düşüb. Bundan əlavə, 130 min insan işlə təmin olunub və bizdə rekord səviyyədə işlə təmin olunma göstəricisi var. Bu gün Gürcüstanda 1,4 milyon insan işlə təmin olunub ki, bu da 90-cı illərdən bəri tarixi rekorddur”, - Gürcüstanın baş naziri İrakli Kobaxidze parlamentdə illik məruzəsi zamanı deyib.
Əsas xəbərlər
Oxucunun seçimi
- 1 Silahlı qrup “Milli Hərəkat”ın mərkəzi ofisinə basqın edib
- 2 Hakim Qoridə saxlanlan fəalın işi üzrə bütün istintaq hərəkətlərini qanunsuz hesab edib
- 3 Parlamentin plenar iclasına kvorum olmadığı üçün başlanıla bilməyib
- 4 Tələbə hərəkatının lideri Niko Manaqadzeyə TDU yaxınlığında hücum olunub
- 5 “Gürcü Legionu”nun komandiri Mamuka Mamulaşvili zəhərləndiyini bildirib
- 6 Qanuna tabe olmasalar, cərimələr, müsadirələr olacaq və işləyə bilməyəcəklər - Kaladze
“Yoxsulluğa gəlincə, xatırlatmaq istərdim ki, 2012-ci ildə yoxsulluq səviyyəsi 30% təşkil edib, ona görə də 1,1 milyondan çox həmvətənimiz yoxsulluq həddində yaşayırdı. 2023-cü il üçün məlumatlar Sakstat tərəfindən dərc edilib və yoxsulluq 11,8%-ə endirilib, bu o deməkdir ki, bu gün Gürcüstanda 435 000 insan yoxsulluq həddində yaşayır. Bu, əlbəttə ki, bizim üçün çox üzücü və narahatedici göstəricidir. Bizim əsas milli vəzifələrimizdən biri, əvvəllər dediyim kimi, nəhayət, yoxsulluğu aradan qaldırmaqdır, amma onu da bir daha xatırlatmaq istəyirəm ki, hökumətimiz dövründə yoxsulluğun səviyyəsi 1,1 milyon nəfərdən 435 000 nəfərə qədər azalıb.
Yadımdadır, müxalifətçilərdən biri çıxıb beynəlxalq təşkilatlardan birinin göstəricilərindən danışırdı, o, səhv etmirəmsə, yoxsulluğun ildə orta hesabla 0,8 faiz bəndi azalmasını proqnozlaşdırırdı, bu proqnozun əksinə olaraq Gürcüstanda təkcə keçən il yoxsulluq göstəricisi 3,8 faiz bəndi azalıb.
Ona görə də bu il bizdə yüksək iqtisadi artım var
Bu il on minlərlə insan yoxsulluğun öhdəsindən gələcək və 2024-cü ildə yoxsulluq baxımından təkrəqəmli göstəricinin qeydə alınacağı ehtimalı yüksəkdir. Ümumilikdə xatırlatmaq istərdik ki, 2012-ci ildən indiyədək 700 minə yaxın vətəndaş yoxsulluqdan xilas olub.
Bu mühüm nailiyyətdir, lakin, bizim son milli vəzifəmiz nəhayət yoxsulluğun aradan qaldırılmasıdır”, - Baş nazir bildirib.
Sosial Xidmətlər Agentliyinin məlumatına görə, 2012-ci ildə Gürcüstanda 501 445 nəfər (163 183 ailə) yoxsulluq həddindən aşağı olan ailələr üçün nəzərdə tutulmuş yaşayış müavinəti (pul yardımı) alıb.
2021-ci ildə 643 167 nəfər (174 379 ailə) yaşayış üçün müavinət alıb;
2022-ci il dekabrın 17-də hökumət işlə təmin olunmanın təşviqi üzrə dövlət proqramını və ictimai işlərdə məşğulluğun təşviqi alt proqramını təsdiq edib.
Bu proqramın təsdiqindən sonra 2022-ci ilin dekabr ayında Sosial Xidmət Agentliyi yaşayış müavinəti alan ailələrin və şəxslərin statistik formalarını dəyişdi və nə qədər ailənin yoxsulluq həddindən aşağı olduğunu artıq birbaşa qeyd etmir, lakin, 2022-ci ilin dekabr ayının yekun məlumatlarına görə 670 551 nəfər (179 575 ailə) yaşayış üçün müavinət alırdı.
2024-cü ilin may ayının məlumatına görə, əhalinin işlə təmin olunmasının təşviqi dövlət proqramı çərçivəsində 667 528 nəfər yardım alır, onlardan 222 482 nəfərin 4 illik statusları var, yəni bu proqrama qoşulmaqla, onların 4 il ərzində sosial müdafiəsiz statusunun saxlanmasına zəmanət verilir.
Səhiyyə Nazirliyindən əldə edilən məlumata görə, 12 dekabr 2023-cü il tarixinə bu proqram çərçivəsində ümumilikdə 32 923 nəfər sosial cəhətdən həssas vətəndaş işlə təmin olunmuş hesab olunurdu, onların 86% yerli bələdiyyələr və onların tabeliyindəki təşkilatlarda işlə təmin olunub.
“Gürcüstan Xəbərləri” Səhiyyə Nazirliyindən bu proqramla bağlı ətraflı ictimai məlumatı hələ ötən ilin dekabrında istəyib. Nazirlik ictimai məlumatı gizlədir və bu səbəbdən “Gürcüstan Xəbərləri” dövlət quruma qarşı məhkəməyə müraciət edib.
