Çexiya parlamenti Rusiyanı ölkənin təhlükəsizliyinə ən böyük təhdid adlandırıb. Martın 20-də qəbul edilən qətnamədə deyilir ki, “Rusiyadakı terror rejimi” öz təsir dairəsini Ukrayna və digər Avropa ölkələrinə də genişləndirməyə çalışır və bu, müharibə cinayətləri ilə müşayiət olunur.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 6 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
“Buna görə də Putinin Ukraynaya qarşı apardığı müharibənin uğurlu olmaması, Ukraynanın özünü müdafiə etməsi, ərazi bütövlüyünü bərpa etməsi və Rusiya rejiminin Avropaya qarşı təcavüzünün qarşısını almaq Çexiyanın əsas marağıdır”, - deyə 19 saatlıq müzakirədən sonra qəbul edilən qətnamədə deyilir.
Hakim koalisiyanın təqdim etdiyi qətnamənin lehinə 84 deputat, əleyhinə isə 17 deputat səs verib, 42 deputata bitərəf qalıb.
Parlament həmçinin Ukraynaya yardımın davam etdirilməsini, o cümlədən hərbi texnikanın verilməsini dəstəkləyib. Deputatlar qeyd edirlər ki, beynəlxalq strukturlarda möhkəm təmsil olunan müstəqil, demokratik və azad Ukrayna Çexiyanın maraqları arasındadır.
“Hərbi texnikanın tədarükünün dayandırılması, əksinə, Ukraynanın Rusiya terrorçu rejimi tərəfindən işğalı və dağıdılması və bu rejimin Avropa dövlətlərini fəthini davam etdirməyə təşviq etməsi ilə nəticələnəcək.
Əgər Ukrayna Putinin terrorçu rejiminin əlinə keçərsə, onun təsir dairəsini Baltikyanı və ya Mərkəzi Avropa ölkələri istiqamətində genişləndirmək səylərinin davam edəcəyi şübhəsizdir. Putin artıq sübut etdi ki, bir ərazinin zəbt edilməsi onu dayandırmayacaq. Hədə-qorxu siyasəti işləmir – necə ki, Hitlerlə işləməyib”, – qətnamədə deyilir.
Eyni zamanda, deputatlar hökumətə müraciət edərək, Çexiyanın müdafiə qabiliyyətinin gücləndirilməsini davam etdirməyi xahiş ediblər.
2022-ci ildə Rusiyanın Ukraynaya təcavüzündən sonra Çexiya parlamenti Rusiya rejimini terror təşkilatı elan edib. Litva, Latviya, Estoniya və Polşa parlamentləri də eynisini edib.
