Ukraynanın Donetsk vilayətində gürcü döyüşçü 44 yaşlı Edişer Kvaratsxeliya həlak olub. O, istehkamçı olub və 2014-cü ildən Ukraynada döyüş əməliyyatlarında iştirak edib.
Əsas xəbərlər
Edişer Kvaratsxeliya Tsalencixada doğulub və böyüyüb. 2008-ci ildə Rusiya-Gürcüstan müharibəsinin iştirakçısı olub.
Tsalencixa Şəhər Şurasının sədri Korneli Saliya “Gürcüstan xəbərləri”nə bildirib ki, ailə Kvaratsxelyanın ölümündən bu gün səhər xəbər tutub. Çox güman ki, gürcü əsgəri Rusiyanın Kiyevi və digər şəhərləri kütləvi şəkildə bombalaması nəticəsində həlak olub.
“O, 2014-cü ildən Ukraynada idi. Bu gün bizə verilən məlumata görə, o, qəhrəmancasına həlak olub. Qışda da yaralandı, sağaldıqdan sonra yenidən döyüşdü. O, Gürcüstana gəlməyib. O, Ukraynadakı bütün gürcülərin adını müdafiə edib”, – Korneli Saliya bildirib.
Edişer Kvaratsxeliyanın cənazəsinin vətəninə göndəriləcəyi tarix hələlik məlum deyil. Gürcüstan Xarici İşlər Nazirliyi bildirib ki, Gürcüstanın Ukraynadakı səfirliyi təfərrüatları dəqiqləşdirir.
Rusiya Ukraynada müharibəyə 24 fevral 2022-ci ildə başlayıb və bu günə kimi davam edir. Bu müddət ərzində Ukraynada iyirmi bir gürcü öldü:
- Edişer Kvaratsxelia – Donetsk vilayəti, 2022- ci ilin oktyabr ayı;
- Gela Gogia – Donetsk vilayəti, 2022-ci ilin avqust ayı;
- Berdia Coxadze – Xerson vilayəti, 2022-ci ilin avqust ayı;
- Kaxa Qoqoli - Luqansk vilayəti, 2022-ci ilin iyul ayı;
- Aluda Zviadauri - Luqansk vilayəti, 2022-ci ilin iyun ayı;
- Kirile Şanava - Luqansk vilayəti, 2022-ci ilin iyun ayı;
- Daniel Gerliani - Luqansk vilayəti, 2022-ci ilin iyun ayı;
- Giorgi Grigolia - Luqansk vilayəti, 2022-ci ilin iyun ayı;
- Rati Şurğaya – Xarkov vilayəti, İzyum, 2022-ci ilin may ayı;
- Telman (Tato) Bigvava – Donetsk vilayəti, Mariupol, “Azovstal”, 2022-ci ilin may ayı;
- Vitali Orbeladze – Xarkov vilayəti, İzyum, 2022-ci ilin aprel ayı;
- Zaza Bitsadze – Luqansk vilayəti, 2022-ci ilin aprel ayı;
- Alika Tsaava - Luqansk vilayəti, 2022-ci ilin aprel ayı;
- Arkadi Kasradze - Luqansk vilayəti, Rubejnoye, 2022-ci ilin aprel ayı;
- David Menabdişvili – Xarkov vilayəti, İzyum, 2022-ci ilin aprel ayı;
- Nika Şanava - Xarkov vilayəti, İzyum, 2022-ci ilin aprel ayı;
- David Gobecişvili – Kiyev vilayəti, İrpen şəhəri, 2022-ci ilin mart ayı;
- Baxva Çikobava – Kiyev vilayəti, İrpen şəhəri, 2022-ci ilin mart ayı;
- David Ratiani - Kiyev vilayəti, İrpen şəhəri, 2022-ci ilin mart ayı;
- Gia Beriaşvili - Kiyev vilayəti, İrpen şəhəri, 2022-ci ilin mart ayı;
- Oleq Gegetchkori - Kiyev vilayəti, 2022-ci ilin mart ayı;
Oktyabrın 10-da səhər saatlarında Rusiya Kiyevə və Ukraynanın digər şəhərlərinə raket zərbələri endirib. Ukrayna Silahlı Qüvvələri Baş Qərargahının məlumatına görə, Rusiya 84 qanadlı raketdən və 24 pilotsuz uçuş aparatından, o cümlədən 13 İranın “Şahed” PUA’larından istifadə edib. Hava hücumundan müdafiə sistemləri 43-ü qanadlı raket olmaqla 56 hədəfi məhv edib.
Raket hücumları nəticəsində ölənlərin sayı 11-ə çatıb, 60-dan çox insan yaralanıb. 70 obyektə ziyan dəyib, onlardan 29-u kritik əhəmiyyətə malikdir.
Ukrayna prezidenti Vladimir Zelenki deyib ki, Rusiyanın iki hədəfi var - enerji obyektləri və insanlar: “Onlar panika və xaos yaratmaq istəyirlər, enerji sistemimizi məhv etmək istəyirlər. Onlar ümidsizdirlər. Mümkün qədər çox zərər vurmaq üçün xüsusi olaraq belə bir vaxtı, belə hədəfləri seçdilər. İndi elektrik enerjisində müvəqqəti fasilələr ola bilər, amma qələbə inancımız heç vaxt kəsilməyəcək”.
Rusiya prezidenti Vladimir Putinin dediyi kimi, Ukrayna şəhərlərinin bombalanması oktyabrın 8-də Krım körpüsündə baş verən partlayışa cavab idi, lakin Ukrayna hərbi kəşfiyyatının məlumatına görə, Rusiya işğalçı qüvvələri oktyabrın 2-də və 3-də Kremldən mülki infrastruktura kütləvi raket zərbələrinə hazırlaşmaq üçün göstərişlər alıblar.
