Putinə yaxın rusiyalı oliqarx Vladimir Yevtuşenkovun şəriki və dostu Davit Xidaşeli “Gürcüstan Texniki Universitetinin İnkişaf Fondunu” təsis edib.
Əsas xəbərlər
Oxucunun seçimi
- 1 Bidzina İvanişvilinin anti-qərb mesajları
- 2 Rus qanununu vasitəsilə fiziki şəxsləri də cərimələmək mümkün olacaq
- 3 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 4 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 5 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 6 “Gürcü Arzusu” aprelin 29-da rus qanununa dəstək aksiyası keçirəcək
Dövlət reyestr agentliyi fondu 19 dekabr 2022-ci ildə qeydiyyatdan keçirib.
Təşkilatın sədri Davit Xidaşelidir, icraçı direktoru isə onun biznes tərəfdaşı, “Qlobal Qələbə Gürcüstan” MMC-nin direktoru Revaz Maisuradzedir.
Gürcüstan Texniki Universitetinin Elmi Şurasının üzvü Mixail Canikaşvili bildirib ki, fondun büdcəsi bir milyon lari olacaq.
“Bu, onun xoş niyyətidir. O, fondu özü maliyyələşdirir. Biz layihələr təqdim edəcəyik və hansının maliyyələşdirilməsinə fond baxacaq. Onun [Davit Xidaşelinin] marağı məni maraqlandırmır, pul yatırıb, hansı istiqaməti istədiyini də deməyib. O, pulu qoyub və deyib: texniki universitetin inkişafı”, - Canikaşvili “Formula”ya müsahibəsində bildirib.
Fondun icraçı direktoru Revaz Maisuradzenin sözlərinə görə, fondun yaradılmasında məqsəd gənc alimləri dəstəkləməkdir və "heç bir biznes marağı yoxdur".
Davit Xidaşeli “Kartoqraflar işi” adlanan hadisədə əsas fiqur olaraq ortaya çıxır. 2020-ci il parlament seçkiləri öncəsi prokurorluq Dövlət Sərhədinin Delimitasiyası və Demarkasiyası Komissiyasının keçmiş üzvləri İveri Melaşvili və Nataliya İliçovanı həbs edib. 2021-ci ilin yanvarında “Gürcü arzusu”nun lideri Bidzina İvanişvili ictimai yayımçının efirində xəritələri gətirdiyinə görə Davit Xidaşeliyə təşəkkür edib, belə ki, İvanişvilinin təbirincə, o, gürcü mədəniyyətinin ən mühüm abidəsinin “David Qarecini yarıya bölünməkdən” xilas edib. İrakli Qaribaşvili Melaşvili və İliçovanı vətənə xəyanətdə ittiham edib ki, “onlar Gürcüstan sərhədini Azərbaycanın xeyrinə razılaşdırıblar”. Məhkəmədə “kartoqrafların işi”nin müzakirəsi hələ də davam edir.
2022-ci il martın 11-də Gürcüstan hökuməti Davit Xidaşeliyə Raca və Kvemo Svanetidə 104.712 hektar meşə sahəsini 49 il müddətinə vermişdi. Hökumət bu qərarı gizlədirdi. Davit Xidaşeli lisenziya üçün 1.151.832 lari ödəyib ki, bu da hər hektar üçün 11 lari təşkil edir. Müqaviləyə əsasən Xidaşeli 5 il ərzində 5 milyon lari investisiya qoymalı və Raca və Kvemo Svaneti meşələrində maral və Qafqaz bizonu yetişdirməli, sonra isə ovçuluq təsərrüfatı qurmalıdır. “Yaşıl Alternativ” və Raca icma təşkilatı lisenziyanın ləğvi tələbi ilə məhkəməyə müraciət edib.
Davit Xidaşeli layihənin ilkin dəyərindən 10 dəfə az, 10 milyon lariyə Tbilisidə "Riğe küpləri"ni - 14 591 kv.m torpaq sahəsini və üzərindəki tikililəri - alıb.
Xidaşelinin şirkəti Gürcaani şəhərində yerləşən, sahəsi 16 hektar olan Axtala balneoloji kurortunun sahibidir. 2022-ci ilin avqust ayının sonuna kimi Xidaşeli kurortda ən azı 120 otaqlı otel kompleksi tikməli və insanları işə götürməli idi, lakin heç nə etmədi. Gürcüstan hökuməti müddəti 2024-cü ilin yazına qədər uzatdı.
Rusiyalı oliqarx Vladimir Yevtuşenkov və Davit Xidaşeli 25 aprel 2022-ci ildə yayılan gizli səs yazısında görünürlər. Səs yazısına görə, Vladimir Yevtuşenkov mart ayında Bidzina İvanişviliyə zəng edərək taxıl sövdələşməsi barədə danışıb və Davidin öz “ideyasını” Gürcüstana gətirəcəyini deyib.
