Sanksiya olunmuş rus oliqarx Vladimir Evtuşenkovun şəriki Davit Xidaşeli bildirir ki, o, “HG Kapra Kaukasika” MMC şirkətini və müvafiq olaraq Raça və Kvemo Svaneti meşələri üçün aldığı lisenziyanı satıb.
Əsas xəbərlər
![](/images/2024/August/20.08/Bidzina%20Ivanishvili.jpg#joomlaImage://local-images/2024/August/20.08/Bidzina Ivanishvili.jpg?width=1023&height=575)
“Oçneba” konstitusiya çoxluğunu əldə edəcəyi təqdirdə VMH və digər partiyaları ləğv etməklə hədələyir
![](/images/2024/August/19.08/Zelensky.jpg#joomlaImage://local-images/2024/August/19.08/Zelensky.jpg?width=1023&height=575)
Zelenski Kursk vilayətində əməliyyatın əsas vəzifəsi kimi “bufer zonasının yaradılmasını” hallandırıb
Oxucunun seçimi
- 1 Əliyev və həyat yoldaşı Putini şam yeməyində qonaq ediblər
- 2 Rusiyanın BMT-dəki nümayəndəsi “Gürcü Arzusu”nun avqust müharibəsi ilə bağlı bəyanatını təkrarlayıb
- 3 Şahin və Terner: Düzgün yola qayıtmaq üçün ilk addımı Gürcüstan hökuməti atmalıdır
- 4 Kobaxidze 22 seçki dairəsi üzrə “Gürcü Arzusu”nun nümayəndə heyətinə namizədlərin adını açıqlayıb
- 5 Məhkəmə MSK-nın mübahisələndirilən qərarını qüvvədə saxlayıb
- 6 Ukrayna Rusiyanın 1000 kvadrat kilometr ərazisinə nəzarət etdiyini bildirir
Xidaşeli özü müxtəlif mətbuat orqanlarına açıqlama verib:
“Son zamanlarda hökumət iş adamını lisenziyasına yenidən baxılacağı və dayandırılacağı ilə hədələyirdi. Şirkətin özünün də bildirdiyi kimi, məsələ şərtlərin yerinə yetirilməməsindən yox, dövlətin yaratdığı anlaşılmazlıqlar olub. Kənd Təsərrüfatı Nazirliyi düzgün yazılmayan və dövlətin üzərinə götürdüyü öhdəlikləri yerinə yetirmədiyi şərtlərin yerinə yetirilməsini tələb edib.
Ətraf Mühit Departamenti hələ iyulun 20-də məlumat yayıb ki, iş adamı Davit Xidaşelinin “HG Kapra Kaukasika” şirkətinə qarşı pozuntu protokolları tərtib edilib. Bəyanatdan da göründüyü kimi, şirkət lisenziya sahəsinin inkişaf planının tərtib edilməsi və bu planın dövlətə təqdim edilməsi şərtini pozub.
Və bu gün məlum olur ki, Davit Xidaşeli anlaşılmazlıq, sonraki məhkəmə prosesindən yayınmaq və adının təhqir olunmasından dolayı Raça meşələrinin ovçuluq lisenziyasını və şirkəti satıb, yəni müqavilə artıq imzalanır və önümüzdəki 1 həftə ərzində məlum olacaq ki, Raça meşələrinin lisenziyasının iştirakçılarından biri İspaniya ovçuluq təsərüfatı ilə əlaqədar şəxsdir; Bundan əlavə, bir gürcü şirkəti də səhmdar olacaq”, - deyə şirkətin bəyanatında bildirilir.
“Əgər mənim sərmayələrimə əhəmiyyət vermirlərsə, mənsiz yaxşı olsunlar”, - Bir çox başqa ölkələr sərmayə üçün əl açıb gözləyir.
Zaman hər kəsə göstərəcək ki, mən nə Kremlə, nə də “Gürcü Arzusuna” yaxın olmuşam”, – Xidaşeli mediaya açıqlamasında deyib.
“HG Capra Kaukasika” MMC-nin mümkün satışı ilə bağlı isə hələlik dövlət reyestrində heç bir dəyişiklik yoxdur.
Raça və Kvemo Svanetidəki 104 712 hektar meşənin 49 il müddətinə sanksiyaya məruz qalan rus oliqarxının şərikinə verilməsi xəbəri ilk dəfə 22 aprel 2022-ci ildə “Dağ Xəbərləri” tərəfindən yayımlanıb.
Qeyri-hökumət təşkilatları “Yaşıl Alternativ” və “Raça İcma Təşkilatı” hökumətin qərarından məhkəməyə şikayət edərək onun ləğvini tələb ediblər.
2023-cü il iyulun 17-də “Dağ Xəbərləri” jurnalist araşdırması – “Raça Meşələrinin İşğalı”nı dərc edib. İstintaq zamanı çoxsaylı qanun pozuntuları və təhlükəsizlik məsələləri aşkar edilib. Xidaşeliyə verilən meşələr Rusiya-Gürcüstan sərhədinə və artıq Rusiya tərəfindən işğal olunmuş Tsxinvali bölgəsinə bitişikdir.
İyulun 19-da Ətraf Mühitə Nəzarət Departamenti Davit Xidaşelinin şirkətinə həvalə edilmiş öhdəliklərin pozulmasına görə inzibati xəta haqqında protokolların tərtib edildiyini açıqlayıb. Ambrolauri Rayon Məhkəməsi Ətraf Mühitiə Nəzarət Departamentinin Xidaşelinin şirkətinin cərimələnməsi ilə bağlı tələbini təmin etməyib və qurum Kutaisi Apellyasiya Məhkəməsinə müraciət edib.
İyulun 24-də “Yaşıl Alternativ” və “Mülki Fəallıqlar Mərkəzi” Baş Prokurorluğa müraciət edib. Qeyri-hökumət təşkilatları Oni bələdiyyəsinin keçmiş meri Emzar Sabanadze və onun birinci müavini Dimitri Sakvarelidzeyə qarşı mümkün məmur fırıldaqçılığı və rüşvət faktlarının araşdırılmasına başlanılmasını tələb ediblər. Prokurorluq iş üzrə ilkin araşdırmalara başlayıb.
İyulun 26-da Gürcüstan parlamentinin üzvləri Tamar Kordzaia, Teona Akubardiya və Xatuna Samnidze mətbuat konfransı keçirərək, prokurorluqdan qanun pozuntularının araşdırılmasını tələb ediblər. Deputatlar təhlükəsizliklə bağlı problemlərdən də danışıblar. Mətbuat konfransı keçirməzdən əvvəl onlar Raçada işin təfərrüatları ilə tanış olub, yerli sakinlərlə görüşüblər. Deputatlar payız sessiyasında məsul nazirləri parlamentə çağıracaqlarını bildiriblər.
Avqust ayında Raça kəndlərinin sakinləri “Rioni Vadisinin Xilası Uğrunda” hərəkatı təşkil edərək etiraz çıxışlarına başlayıb və hökumətdən qanunsuz qərarın ləğvini tələb ediblər.
Sentyabrın 13-də Ətraf Mühitin Mühafizəsi və Kənd Təsərrüfatı Nazirliyi Raça meşələrinin Xidaşelinin şirkətinə verilməsinin dayandırıldığını bildirib.
Oktyabrın 22-də Ətraf Mühitin Mühafizəsi və Kənd Təsərrüfatı Nazirinin müavini Nino Tandilaşvili keçirdiyi brifinqdə bildirib ki, hökumət Raçada xüsusi qorunan statuslu ərazi yaratmağı planlaşdırır, bu əraziyə Raça meşələri və ətraf kəndlərin əraziləri daxildir. Onun sözlərinə görə, belə statuslu qorunan ərazinin yaradılması Raça meşələri ilə bağlı artıq verilmiş lisenziyaya uyğun gəlməyəcək və Nazirlik onun ləğvi üçün müvafiq tədbirlər görür.
![Gürcüstan xəbərləri](/images/a2.png#joomlaImage://local-images/a2.png?width=80&height=80)