Gürcüstan parlamentində martın 1-dən etibarən parlament sədrinin jurnalistlərə məhdudiyyətlər qoyacağı yeni sərəncamı qüvvəyə minəcək. Parlamentin sədri Şalva Papuaşvili bu gün büro iclasında deputatları sərəncamın məzmunu ilə tanış edib. Sərəncama əsasən deputat, aparatın əməkdaşı və ya parlamentə qonaq kimi gələn şəxs müsahibə verməkdən imtina edərsə, jurnalistlərə müsahibəni dayandırmaq öhdəliyi qoyulur, həmçinin onların razılığı olmadan sənədlərin, telefonun və ya digər elektron cihazın ekranının şəklini onlar üzərindəki məlumat və ya təsvirin qavranıla biləcəyi şəkildə çəkmək olmaz.
Əsas xəbərlər
Oxucunun seçimi
- 1 “Gürcü Arzusu” “xarici agentlər” haqqında “rus qanunu”nu geri qaytarır
- 2 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 3 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 4 Strasburq məhkəməsi Nika Qvaramiyanın şikayətini qəbul etməyib
- 5 Bu qanun nə Avropa, nə də Amerika qanunudur - Aİ səfiri rus qanunu barədə
- 6 Gürcüstan millisi tarixdə ilk dəfə Avropa çempionatında çıxış edəcək
Sərəncama əsasən parlament jurnalisti müəyyən edilmiş qaydaları pozarsa, aparat rəhbərinin qərarı ilə onun akkreditasiyası 1 ay müddətinə dayandırıla bilər. Qayda pozuntusunun təkrarlanması halında, akkreditə olunmuş jurnalistin akkreditasiyası 6 ay müddətinə dayandırılacaq. Akkreditasiyası dayandırılmış jurnalistin akkreditasiyasının dayandırılmasının ümumi müddəti başa çatanadək yeni akkreditasiya almaq hüququ məhdudlaşdırılır. Bu maddənin birinci bəndində nəzərdə tutulmuş müddətdə akkreditasiyası dayandırılmış jurnalistin başqa jurnalistlə əvəz edilməsinə yol verilmir.
“Bu gün jurnalistlərin Milli Məclisdə akkreditasiyası ilə bağlı sərəncam verəcəm. Bildiyiniz kimi, illərdir müəyyən qüsurlar olduğundan, bizdə akkreditasiya qaydası yox idi. Ona görə də hər dəfə jurnalistlərə keçidlə buraxmaq lazım olurdu və bu baxımdan “parlament jurnalistikası” yox idi. Parlament Araşdırmalar Mərkəzi müxtəlif ölkələrin parlamentlərinin təcrübəsini analiz edib və ən yaxşı təcrübə əsasında iki əsas prinsipə əsaslanan akkreditasiya qaydası hazırlanıb: birincisi, medianı vətəndaşlar üçün vacib olan hər şeyi işıqlandırmağa, parlament fəaliyyətini işıqlandırmağa təşviq etmək və ikincisi, parlamentdə iş mühitinin təmin edilməsi”, - Şalva Papuaşvili büronun iclasında bildirib.
Yeni sərəncama əsasən qanunverici orqan iki növ akkreditasiya verəcək - parlament jurnalisti və bir gün müvəqqəti olaraq parlamentdə işləməli olan şəxslər üçün.
“Parlament jurnalisti akkreditasiyası parlament fəaliyyətini işıqlandıran media nümayəndələrinə veriləcək. Parlament jurnalisti statusu və akkreditasiyası ilə onlar binaya maneəsiz girib işləyə biləcəklər. Həmçinin nəzərə alsaq ki, ayrıca bir süjet hazırlanasıdır və ya akkreditasiyadan keçməmiş media vardır, o cümlədən xarici media, onlar üçün bir gün işləyəcək xüsusi akkreditasiya olacaq, məsələn, müəyyən bir süjet hazırlamaq və ya material toplamaq üçün.
Bu qaydalar müxtəlif parlamentlərin Avropa təcrübəsinə əsaslanır. Bunu nəzərə alaraq ümid edirəm ki, parlament jurnalisti statusu geri qayıdacaq və tanınacaq ki, bu da özlüyündə parlament jurnalistikasına daha çox məsuliyyətlə yanaşı, daha çox nüfuz qazandırır”, - Papuaşvili bildirib.
Milli yayımçılar 7 çəkiliş qrupu üçün akkreditasiya almaq imkanı əldə edəcəklər, digər televiziyalarda maksimum 3 akkreditə olunmuş qrup, qəzet, jurnal və radiolarda 2, onlayn nəşrlərdə 4 akkreditasiyadan keçmiş jurnalist olacaq.
Parlamentin akkreditasiyası üçün xəbər mediası fevralın 20-dək Milli Məclisin Aparatına müraciət etməlidir.
