Ermənistanın baş naziri Nikol Paşinyanın sözlərinə görə, Ermənistan Ukraynaya qarşı müharibədə Rusiyanın müttəfiqi deyil və Rusiya bunu görür. Paşinyan bunu 4-5 may tarixlərində Çexiyaya səfəri zamanı lentə alınan, lakin dünən dərc olunan “CNN Prima News” telekanalına müsahibəsində bildirib.
Əsas xəbərlər
Sual Rusiyanın Ukraynaya qarşı aqresiyası ilə bağlı Ermənistanın mövqeyi barədə olub. Jurnalist qeyd edib ki, bir tərəfdən Ermənistan Rusiyanın müttəfiqidir, digər tərəfdən isə “Rusiya Federasiyasının Ukraynada çox arzuolunmaz hərəkətinin şahidi oluruq”.
“Siz dediniz ki, biz Rusiyanın müttəfiqiyik.
Təbii ki, bu heç vaxt ucadan səsləndirilməyib, amma düşünürəm ki, nəzərə çarpır: biz Ukrayna ilə müharibədə Rusiyanın müttəfiqi deyilik və bizim bu müharibə, bu münaqişə ilə bağlı hisslərimiz narahatlıqdır, çünki bu, bizim bütün münasibətlərimizə birbaşa təsir edir.
Qərbdə bizim Rusiyanın müttəfiqi olduğumuzu göstərirlər, yəni daha çox bunu qeyd edirlər. Rusiya görür ki, biz Ukraynaya qarşı müharibədə onların müttəfiqi deyilik. Belə çıxır ki, biz bu vəziyyətdə heç kimin müttəfiqi deyilik, bu o deməkdir ki, biz həssasıq, çünki görünən odur ki, bütün bu qarşıdurmalarda yayınma variantı var, amma həqiqət budur ki, vəziyyət nə qədər çətin olarsa, vəziyyətdən yayınma imkanları da bir o qədər daralır. “Biz bu vəziyyətlə bağlı öz fikrimiz olmadığına görə deyil, bir az əvvəl qeyd etdiyim səbəbə görə bundan yayınırıb: təəssüf ki, narahatlıqlarımız o qədər çoxdur ki, başqa problemlərin həllində daha çox iştirak etmək imkanımız olmur”, - Paşinyan bildirib.
Həmin müsahibədə Ermənistanın baş naziri qeyd edib ki, Rusiya prezidenti Vladimir Putinlə görüşdə xüsusilə indi onların ikitərəfli münasibətlərinə və ya regional gündəminə daxil olmayan məsələlər çox az müzakirə olunur və ya ümumiyyətlə müzakirə olunmur: “Səmimi deməliyəm ki, Ermənistanın geniş regionun və kontingentin yükünü öz çiyninə götürmək baxımından çoxlu problemləri var.
