“Bildiyiniz kimi, Qoqaşvili deyib ki, məni İvanişvilinin göstərişi ilə qaçırıblar, daxili işlər naziri Vaxtanq Qomelaurinin də bu işdə əli var. İvanişvili və Qomelaurinin bununla bağlı ifadə verməsini tələb edirik. Həm də sabah baş nazirə və parlamentə yazılı formada müraciət edəcəm ki, daxili işlər naziri mənim qaçırmağımla bağlı kənar şəxs olduğu üçün istefaya getsin. Belə adam nazir ola bilməz, çünki o, prokurorluğa təzyiq edəcək. Üstəlik, onun xidməti mənəvi cəhətdən əsassızdır. Digər demokratik dövlətlərdə daha kiçik cinayətlərə görə nazirlər istefaya getməyə məcbur olurlar”. Bu barədə “Tbilisi İnsan Haqları Evi”ndə keçirilən mətbuat konfransında azərbaycanlı jurnalist Əfqan Muxtarlı bildirib.
Əsas xəbərlər
Əfqan Muxtarlı dünən Almaniyadan Tbilisiyə gəlib və özünün dediyi kimi, işin istintaqı tamamlanana qədər Gürcüstanda qalmağı planlaşdırır. Muxtarlının ailəsinə Almaniyadan siyasi sığınacaq verilib.
Muxtarlı vəkili Arçil Çopikaşvili ilə birlikdə prokurorluğa gedib və onun qaçırılması ilə bağlı Təhlükəsizlik Xidmətinin keçmiş yüksək rütbəli məmuru Soso Qoqaşvilinin ifadəsi ilə tanış olmağı tələb edib.
Avqust ayında həbsdə olan Dövlət Təhlükəsizlik Xidmətinin keçmiş birinci müavini Soso Qoqaşvili Əfqan Muxtarlı Bidzina İvanişvilinin sifarişlə qaçırıldığını bildirib. Qaçırmağı əks etdirən kadrların DTX-nin əməliyyat texniki şöbəsi tərəfindən silindiyini bildirib.
Cinayət işində zərərçəkmiş kimi tanınan Muxtarlıya prokurorluqda iş materiallarını, o cümlədən Soso Qoqaşvilinin ifadəsini təqdim etməkdən imtina ediblər.
“Prokurorluq bizə bildirdi ki, Soso Qoqaşvili sonadək ifadə verməyib və buna görə də onun ifadəsinin protokolunu görə bilmirik. Hesab edirəm ki, verilən qərar siyasidir. Prokurorluq hökumətin tapşırığını yerinə yetirdi. Baş Prokurorluğa, daha sonra Avropa Məhkəməsinə müraciət edəcəyik. Düşünürəm ki, proses bitənə qədər burada yaşamalıyam”, - azərbaycanlı jurnalist bildirib.
Muxtarlının maraqlarını Tbilisi İnsan Haqları Evi və “Rights Georgia” təşkilatı qoruyur.
Tbilisidən Əfqan Muxtarlı 2017-ci ilin may ayında naməlum şəxslər tərəfindən qaçırılaraq Azərbaycana təhvil verilib və orada sərhədi qanunsuz keçmə, külli miqdarda valyuta keçirmə və hüquq-mühafizə orqanlarının əməkdaşlarına müqavimət göstərməkdə ittiham olunaraq mühakimə olunub. 2020-ci ilin martında Azərbaycan hakimiyyəti Əfqan Muxtarlını həbsdən azad edib və Almaniyaya getməsinə icazə verib.
