Ukraynanın uğurlu əks-hücum əməliyyatı fonunda Rusiyanın müdafiə naziri Sergey Şoyqu general Sergey Surovikini qondarma xüsusi hərbi əməliyyatlar zonasına Rusiyanın “Birləşmiş Qüvvələr Qrupu”nun komandiri təyin edib. Sergey Surovikin Tacikistandakı silahlı münaqişədə, Çeçenistandakı ikinci müharibədə və Suriyadakı hərbi əməliyyatlarda iştirak edib.
Əsas xəbərlər
Oxucunun seçimi
Sergey Surovikinə ötən ilin avqustunda Rusiya prezidenti Vladimir Putin tərəfindən ordu generalı rütbəsi verilib. 2017-ci ildə o, Suriyada bir qrup rus hərbçisinə komandanlıq edib, burada Rusiya hökumətyönlü KİV-in məlumatına görə, silahdaşları ona “Armagedon” ləqəbini verdilər - qeyri-standart və sərt qərarlar qəbul etmək qabiliyyətinə görə. Elə həmin il Rusiya Aerokosmik Qüvvələrinin baş komandanı oldu və Rusiya Qəhrəmanı adını aldı. Sergey Surovikin xüsusi təyinatlılarda, o cümlədən Əfqanıstanda xidmət edib. İkinci Çeçenistan müharibəsinin iştirakçısıdır.
2022-ci ilin fevralında Rusiyanın Ukraynaya təcavüzü və genişmiqyaslı müharibənin başlamasından sonra Avropa İttifaqı Surovikinə qarşı sanksiyalar tətbiq etdi. İyun ayında Sergey Surovikin “Cənub”a komandan təyin olunanda Britaniya hərbi kəşfiyyatı onun 30 illik karyerasının korrupsiya və vəhşilik iddiaları ilə dolu olduğunu yazmışdı.
Çeçenistan rəhbəri Ramzan Kadırov Surovikinin təyinatını sevinclə qarşılayıb. Telegram-da yazdığı kimi, o, generalı 15 ildir ki yaxşı tanıyır:
“Əminliklə deyə bilərəm ki, o, əsl general və döyüşçüdür. Vətənpərvərlik, şərəf, ləyaqət kimi məfhumların həmişə öndə gəldiyi təcrübəli, iradəli, uzaqgörən komandirdir.
Birləşmiş qoşunlar qrupu artıq etibarlı əllərdədir. Əminəm ki, Sergey Surovikin xüsusi hərbi əməliyyatlar sahəsində vəziyyəti yaxşılığa doğru dəyişəcək. Biz təbii ki, ona problemlərin həllinə kömək edəcəyik”.
Ukraynada Rusiya qoşunlarının komandanı təyin olunduğu Rusiyanın ilhaq edilmiş Krımı birləşdirən körpüsündə güclü partlayışdan sonra məlum oldu. Partlayış nəticəsində 19 kilometrlik strukturun bir hissəsi dağılıb, 3 nəfər ölüb. Ukrayna mətbuatı öz mənbələrinə əsaslanaraq yazır ki, partlayış Ukrayna Təhlükəsizlik Xidmətinin əməliyyatı olub.
Sentyabr ayından Ukrayna silahlı qüvvələri əks hücuma keçərək Rusiyanın işğal etdiyi əraziləri azad edir. Prezident Vladimir Zelenskinin sözlərinə görə, bu həftə Ukraynanın şərqində 776 kvadrat kilometr ərazi və 29 yaşayış məntəqəsi, o cümlədən altısı Luqansk vilayətində “Rusiya psevdoreferendumu”ndan azad edilib. Zelenskinin sözlərinə görə, ümumilikdə, hücum əməliyyatı başlayandan indiyədək Ukraynanın 2434 kvadrat kilometr ərazisi və 96 yaşayış məntəqəsi geri qaytarılıb.
