"Zənglər dayanmır. İki gündür ki, mənə, Zazaya və 67 yaşlı anama zəng edirlər. Bizi adımızla çağırırlar, hədələyirlər, söyürlər və inanılmaz sözlər deyirlər.
Əsas xəbərlər
Anama deyibər ki, Vanidən tğemali göndəriblər, sizə hansı ünvana çatdıraq. Biz böyüklər bu vəziyyəti gülməli görmürük, uşaqlar çoxlu ağladılar (uşaqlara təzyiq edirlər). Nə "naçionalı" ey insanlar? Fikirləşin, ümumiyyətlə, bunlar oktyabrda qalsalar, hansı reallıqda oyanacağıq.
Gözəl ölkəmizi dişimizlə qorumalıyıq!", - Sameqreloda yaşayan Keto Ninidze yazır. O, Martvil Təbiət Abidələri İdarəsinin direktoru Zaza Qaquanın həyat yoldaşıdır. Hər ikisi açıq şəkildə “agent qanunu”nu tənqid edir və etiraz aksiyalarında iştirak edirlər.
"Gecə saat birin yarısında 5 dəqiqəlik fasilə ilə mənə, həyat yoldaşıma və 67 yaşlı baldızıma zəng edib, bizi söyüb, uşaqlarımı hədələdilər. Bunu bəyənənlərə Allah bunu az görməsin. Kim ki, buna diqqət yetirmir, onlara da sıra gələcək. Mən bütün şüurlu ömrüm boyu bu ölkəyə xidmət etmişəm və belə bir cavab alıram. Övladlarımın göz yaşları hər birinizə qənim olacaq. Gürcüstan mütləq Avropa olacaq", - Zaza Qaqua deyir.
Eyni mətnlə iyunun 2-də fəal Ana Subelianiyə də zəng olunmuşdu. Naməlum şəxs Anaya onun üçün çiyələk sifariş etdiklərini deyib:
"Viberdə mənə xarici nömrədən zəng gəlir. Cavab vermirəm. Bir neçə zəngdən sonra açdım, cavab vermirəm, söyüşü gözləyirəm. Birdən tipin biri normal səslə danışmağa başladı. Ana sənsən? deyirdi.
...Xobidən belə uzun bir yoldan gəlmişəm ki, sizə çiyələk gətirmişəm dedi. … Bu məbləği mənə Qiorqi Topuria köçürdü, nömrəni yazdı və maşında 150 larilik çiyələk var dedi.
Dedim, o adamın nömrəsini mənə göndər və ya pul köçürülməsinin skrinini göndər. Bir neçə dəqiqədən sonra yenə mənə zəng edir, sənə bunu şübhəsiz gətirməliyik, mənə belə dedilər deyir. Necə fikirləşirsiniz ki, gecə yarısı bir yad adamın yanıma qədər gəlməsinə yol verərəmmi, dedim. Bundan sonra ənənəvi olaraq söyüş söyməyə başlayır”.
Gecə saat üçdə naməlum şəxs “TV Pirveli” telekanalının jurnalisti Vika Bukianı soruşub. "Saat düz 03:15 idi. Anamın qapısını döyür. Orada mən, Maşo və anam var idi. Qapıda kapüşonlu bir oğlan dayanıb deyir ki, ay qız, başım ağrıyır, qapını aç və mənə sitramon ver. Saat neçədir, nə sitramonu, dedim. Niyə dalaşırsan, dərman xahiş elədim, dedi. Təbii ki, qapını açmadım və 2 dəqiqədən sonra telefon zəngi çalır və mənə deyir ki, tərbiyəsizliyə görə cəzanızı çəkəcəksiniz. Sonra söyməyə başladı".
Rus qanununa etiraz edən vətəndaşlara hədələyici telefon zəngləri mayın 7-dən etibarən edilir. Naməlum şəxslər həm Gürcüstanın, həm də xarici ölkələrin, o cümlədən Azərbaycan, Ukrayna, Meksika nömrələrindən zəng edərək etiraz aksiyalarının iştirakçılarını və onların ailə üzvlərini qorxutmağa çalışırlar. Bir çox hallarda onlarla bir neçə gün, gündə bir neçə dəfə əlaqə saxlanılır, təhqir olunur, ləyaqəti alçaldan terminlərlə müraciət edilir. Onlar niyə “agent qanunu”nu dəstəkləmədiklərini soruşurlar və özlərinin və ailə üzvlərinin etirazını dayandırmasalar, fiziki cəza ilə hədələyirlər.
Telefon nömrələri ilə yanaşı, bəzi hallarda adı, soyadı, iş yeri, yaşayış ünvanı, habelə onların ailə üzvləri və qohumları ilə bağlı şəxsi məlumatlar naməlum şəxslərə məlumdur. Uşaqlara da təhdid dolu zənglər olunur.
Rus qanununun əleyhdarlarına edilən zənglərdə Gürcüstan telefon nömrələrinin əsas hissəsi qeyri-aktivdir, “Magticom”, “Silknet” və “Selfie Mobile” şəbəkələrində qeydiyyatdan keçməyib.
Fərdi Məlumatların Mühafizəsi Xidməti müəyyən edib ki, vətəndaşlara telefon zəngləri “Calller ID Spoofing” [zəng edənin şəxsiyyətinin saxtalaşdırılması] adlanan üsulla həyata keçirilir. Zəng edən şəxs ünvan sahibinə real nömrədən istifadə etməklə, xüsusi infrastruktur vasitəsilə zəng edir, bu zaman zəng edənin real nömrəsi mövcud olmayan və/və ya əldə edilmiş nömrə ilə əvəz olunur. Nəticədə ünvan sahibi ilə elə əlaqə yaradılır ki, mövcud olmayan/mənimsənilmiş telefon nömrəsi zəngin təşəbbüskarı kimi görünür və zəng edən şəxsin real nömrəsi elektron rabitə şirkətlərinə məlum olmur.
Telefon zənglərinin tezliyini və miqyasını nəzərə alaraq, Fərdi Məlumatların Mühafizəsi Xidməti bu prosesin əvvəlcədən müəyyən edilmiş olduğunu və təşkil edildiyini hesab edir. Təxminən 10 gündür ki, xidmət bu məsələ ilə bağlı daxil olan bütün ifadələri cavab tədbirləri üçün prokurorluğa göndərsə də, nəticəsi olmayıb.
“Gürcü Arzusu” telefon terroru ilə yanaşı, araşdırmaçı jurnalistlərə, ictimai təşkilatlara, müxalifət partiyalarının nümayəndələrinə qarşı nifrət və zorakılıq kampaniyasına başlayıb. Mayın 31-nə keçən gecə onların yaşayış evləri və ofislərinə yenidən təhqir, böhtan və hədə ehtiva edən yazılar yazılıb. Bu zorakılıq kampaniyasına görə məsuliyyəti "Gürcü Arzusu"ndan olan parlament üzvü, hakim partiyanın regional katibi Dimitri Samxaradze üzərinə götürüb. Mülkiyyətə dəymiş ziyan, mülkiyyətçilərə əhəmiyyətli zərər vurma və ya hücum da daxil olmaqla, heç bir iş araşdırılmayıb.
Gürcüstan parlamentinin sədri Şalva Papuaşvili bu gün “agentlər haqqında” rus qanununu imzalayıb. Qanun bu gün “Qanunvericilik Toplusu”nda dərc olunub və avqust ayından qüvvəyə minəcək.
