Parlamentin sədri Şalva Papuaşvili “Gürcü Arzusu” siyasi şurasının iclasından sonra keçirilən brifinqdə bildirib ki, onlar partiya strukturları vasitəsilə “zorakılıqda, digər qeyri-qanuni hərəkətlər, təhdidlər, şantaj və bu kimi hərəkətlərdə iştirak edən və ya bunu açıq şəkildə bəyənən bütün insanlar haqqında məlumatın toplandığı məlumat bazası yaradacaqlar”.
Əsas xəbərlər
“Bu məlumat bazası xüsusi internet saytında yerləşdiriləcək, o, Gürcüstan vətəndaşları üçün ictimai və şəffaf olacaq. Bu şəxslərə qarşı konstitusiya və qanun çərçivəsində bütün tədbirlər görüləcək ki, qanun pozuntuları, zorakılıq və təhdidlər dövlətin və ya cəmiyyətin reaksiyasından kənarda qalmasın”, - Şalva Papuaşvili bildirib.
Parlament sədri deyir ki, “Milli Hərəkat”ın istədiyi mövqeyi bəyan etmək üçün cəmiyyət üzvlərinə, o cümlədən idmançılara, sənət adamlarına təzyiqlər edilir.
“Onlar senzuraya keçiblər, hər hansı söz uyğun gəlmirsə, əlavə olaraq mənəvi terrora keçirlər. Həm bu insanlara, həm də bu insanların ailə üzvlərinə. Ona görə də ictimaiyyətin buna qiymət verməsi vacibdir. Düşünürəm ki, insanlar ictimai bəyanatlarda nədən çəkinirlərsə, şəxsi söhbətlərində də ondan çəkinmirlər və elə bir təəssürat formalaşdırıblar ki, guya sosial şəbəkələrdə onların ifadə etdiyi nifrət dili, faşist bəyanatları, o cümlədən bəzi şəxslərin kənarlaşdırılması və s. şəxsi söhbətdir. Ona görə də vacibdir ki, bu adamlar da fikirləşsinlər ki, bu, onların otağında deyilən sözlər deyil, ictimai bəyanatlardır, sonradan nifrət doğurur, cəmiyyətdə mübahisələrə səbəb olur, başqa insanlara, onların ailə üzvlərinə mənəvi terrorla nəticələnir. Ona görə də özlüyündə.
cəmiyyətin buna reaksiya verdikdə, bu məsələlərə mənəvi qiymət verildikdə, bu insanlar belə hərəkətlərdən, bəyanatlardan çəkinəcəklər”, - Papuaşvili bildirib.
Onun sözlərinə görə, cinayət əməlləri və inzibati xətalara gəlincə, “müvafiq qurumların buna müvafiq reaksiyası olacaq. Cinayət ölçüsü olmayan şifahi zorakılıq, hədə-qorxu və şantaj halları var, insanların təzyiqə məruz qalması, şantaj edilməsi, ailə üzvlərini şantaj etməsi cinayət ölçüsünə sığmayan ölçüdür ki, burada mənəvi qiymət verilməsi əhəmiyyətlidir və insanların buna mənəvi cəhətdən qiymət verməsi əhəmiyyətlidir.
Parlament sədrinin bu bəyanatından əvvəl hökumətyönlü KİV-lər tərəfindən dərc edilən gizli səs yazısı yayılıb, orada futbolçu Xviça Kvaratsxeliaya ünvanlanmış təhqiramiz sözlər eşidilir. Səs yazısının həqiqiliyi təsdiqlənməyib.
Şalva Papuaşvili brifinqdə “xarici agentlər” haqqında rus qanununa qarşı çıxan fəallara fiziki hücumlar barədə heç nə deməyib. Hücumla bağlı faktların heç biri araşdırılmayıb.
- Mayın 3-də Tbilisidə aksiyada iştirak edən gənclərə hücum olunub və fiziki təzyiqlər edilib. Hücum edənlərdən bəzilərinin kimliyi media tərəfindən müəyyən edilib. Onlar “Gürcü Arzusu” ilə əlaqəli şəxslər, o cümlədən büdcədən maliyyələşən bir neçə məşqçidir.
- Mayın 5-də Lançxutidə rus qanununa qarşı etiraz aksiyalarının fəal iştirakçısı, pedaqoq Lado Abxazava və oğlu evdən çıxarkən hücuma məruz qalıb.
- Mayın 7-də İsveçin Tbilisidəki səfirliyindən çıxarkən sonra qeyri-hökumət təşkilatı “İnformasiya Azadlığının İnkişafı İnstitutu”nın direktoru Qiorqi Klidiaşvili, həmçinin “Formula” televiziya şirkətinin çəkiliş qrupu hücuma məruz qalıb. Kldiaşvili Formula-ya müsahibə verirdi.
Mayın 7-də naməlum şəxslər mülki fəallara, jurnalistlərə, youtuberlərə və rus qanununa qarşı çıxan digər şəxslərə kütləvi və mütəşəkkil zənglər edərək, onları söyüb və hədələyiblər.
