Gürcüstanın milli futbol komandası Avropa çempionatının qrup mərhələsində 12,25 milyon avro (təxminən 37 milyon lari) qazanıb.
Əsas xəbərlər
Bu məbləğin 9,25 milyon avrosu çempionatda iştiraka görə, 500 mini Çexiya ilə heç-heçəyə, 1 milyonu Portuqaliyaya qarşı qalibiyyətə, 1,5 milyonu isə 1/8 finala yüksəlməyə görədir.
"UEFA" İcra Komitəsinin təsdiq etdiyi mükafat sistemi 1/4 final üçün 2,5 milyon avro, yarımfinal üçün isə 4 milyon avronu nəzərdə tutur. "UEFA" ikinci yeri tutan komandaya əlavə 5 milyon avro ödəyəcək, 2024-cü ilin Avropa çempionu isə 8 milyon avro alacaq.
“Avro-2024”ün qrup mərhələsində ən çox qazanan 13,75 milyon avro əldə edən İspaniyadır. Gürcüstan millisi 1/8 finalda İspaniya ilə iyunun 30-da qarşılaşacaq.
Avropa çempionatının debütantı Gürcüstan yığması Türkiyə, Çexiya və Portuqaliya ilə birlikdə F qrupunda mübarizə aparırdı. İyunun 26-da Gelzenkirxen şəhərində baş tutan həlledici üçüncü görüşdə gürcü futbolçular Xviça Kvaratsxelia və Qiorqi Mikautadze portuqaliyalıların qapısına iki qol vurublar.
Gürcüstan millisi Avro-2024-də 12,25 milyon avro qazanıb
Portuqaliya ilə görüş 2:0 hesabı ilə başa çatıb. Bundan əvvəl Gürcüstan Çexiya ilə heç-heçə edib və ümumilikdə 4 xalla 1/8 finala yüksəlib.
