საქართველოს ეროვნულმა საფეხბურთო ნაკრებმა ევროპის ჩემპიონატის ჯგუფურ ეტაპზე 12.25 მილიონი ევრო (დაახლოებით 37 მილიონი ლარი) გამოიმუშავა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
ამ თანხიდან 9.25 მილიონი ევრო ჩემპიონატში მონაწილეობის თანხაა, 500 ათასი – ჩეხეთთან ფრის, 1 მილიონი – პორტუგალიასთან მოგების, ხოლო 1.5 მილიონი – მერვედფინალში გასვლის.
უეფას აღმასრულებელი კომიტეტის მიერ დამტკიცებული საპრიზო სისტემა ითვალისწინებს 2.5 მილიონი ევროს მეოთხედფინალში და 4 მილიონ ევროს ნახევარფინალში გასვლისთვის. ნაკრებს, რომელიც მეორე ადგილს დაიკავებს, უეფა დამატებით 5 მილიონს გადაუხდის, 2024 წლის ევროპის ჩემპიონი კი 8 მილიონ ევროს მიიღებს.
„ევრო 2024“-ის ჯგუფურ ეტაპზე ყველაზე შემოსავლიანი ესპანეთია, რომელმაც 13.75 მილიონი ევრო გამოიმუშავა. საქართველოს ნაკრები 30 ივნისს, მერვედფინალში სწორედ ესპანეთს შეხვდება.
ევროპის ჩემპიონატის დებიუტანტი საქართველოს ნაკრები F ჯგუფში თურქეთთან, ჩეხეთთან და პორტუგალიასთან ერთად ასპარეზობდა. გადამწყვეტ მესამე მატჩში, რომელიც 26 ივნისს, ქალაქ გელზენკირხენში გაიმართა, ქართველმა ფეხბურთელებმა, ხვიჩა კვარაცხელიამ და გიორგი მიქაუტაძემ პორტუგალიელების კარში ორი გოლი გაიტანეს.
პორტუგალიასთან მატჩი ანგარიშით 2:0 დასრულდა. მანამდე, საქართველომ ჩეხეთთან ფრე ითამაშა და ჯამში დაგროვილი 4 ქულით მერვედფინალში გადავიდა.
