Türkiyədə prezident və parlament seçkiləri üçün Gürcüstanda açılan seçki məntəqələrində müxalifət qalib gəlib.
Əsas xəbərlər
“Anadolu” agentliyinin məlumatına görə, Gürcüstanda ümumilikdə 1013 Türkiyə vətəndaşı səs verib. Bunlardan 8 bülleten etibarsız sayılıb. Hazırda Gürcüstanda mövcud olan bütün məntəqələr hesablanıb.
Seçkilərin ilkin nəticələrinə görə, üçüncü müddətə prezident postunu tutmaq istəyən Rəcəb Tayyib Ərdoğan 315 (31,34%), onun əsas rəqibi Kamal Kılıçdaroğlu isə iki dəfə çox, 639 nəfər (63,58%) səs toplayıb. Sinan Oğanın 39 səsi (3,88%), prezident seçkilərinə bir neçə gün qalmış namizədliyini geri götürən Muharem İncenin isə 12 səsi var.
Parlament seçkilərinə gəlincə, Kılıçdaroğlunun “Türkiyə Xalq Cümhuriyyət Partiya”sı 432 (43,07%) səsə malikdir. Ərdoğanın “Ədalət və İnkişaf Partiyası” 223 seçici (22,23%) ilə ikinci, “Yaxşı Partiya” isə 92 səslə (9,17%) üçüncü yerdədir.
Xaricdə açılan seçki məntəqələrindəki seçkilərdə 1 300 000-dən çox Türkiyə vətəndaşı iştirak edib. İlkin nəticələrə görə, onların yarıdan çoxu, təxminən 56%-i Ərdoğana, təxminən 40%-i isə Kılıçdaroğluna səs verib. Xaricdə keçirilən parlament seçkilərində də Ərdoğanın partiyası 43% ilə öndədir. İkinci və üçüncü yerlərdə “Xalq Cümhuriyyəti Partiyası” (25%) və “Milliyətçi Hərəkat Partiyası” (10%) qərarlaşıb.
Mayın 14-də keçirilən prezident seçkilərində namizədlərdən heç biri ilk turda qələbə üçün zəruri olan 50%-dən çox səsi toplaya bilməyib. Qutuların 99,31 %-nin sayılmasından sonra Rəcəb Tayyib Ərdoğan 49,41%, Kamal Kılıçdaroğlu isə 44,96% səs toplayıb. Onların arasında qalibin müəyyənləşdirilməsi üçün mayın 28-də ikinci tur keçiriləcək.
Parlament seçkilərində “Ədalət və İnkişaf Partiyası”nın rəhbərlik etdiyi “Respublika Alyansı” qalib gəlib. İlkin məlumatlara görə, alyans 49% səsə malikdir ki, bu da 600 üzvlü qanunverici orqanda təxminən 322 yer deməkdir. İkinci yerdə 35% səs və təxminən 212 mandat toplayan “Xalq Cümhuriyyəti Partiyası” ətrafında birləşən “Xalq Alyansı” qərarlaşır.
