თურქეთის საპრეზიდენტო და საპარლამენტო არჩევნებისთვის საქართველოში გახსნილ საარჩევნო უბნებზე ოპოზიციამ გაიმარჯვა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
სააგენტო Anadolu-ს ინფორმაციით, საქართველოში ხმა თურქეთის სულ 1013-მა მოქალაქემ მისცა. აქედან 8 ბიულეტენი ბათილად ჩაითვალა. ამ დროისთვის საქართველოში არსებული ყველა უბანი დათვლილია.
არჩევნების წინასწარი შედეგების მიხედვით, რეჯეფ თაიფ ერდოღანმა, რომელსაც პრეზიდენტის თანამდებობის დაკავება მესამე ვადით სურს, 315 ხმა (31.34%) მიიღო, ხოლო მის მთავარ კონკურენტს, ოპოზიციონერ ქემალ ქილიჩდაროღლუს ორჯერ მეტმა, 639 ადამიანმა (63.58%) მისცა ხმა. 39 ხმა (3.88%) აქვს სინან ოღანს, 12 ხმა კი მუჰარემ ინჯეს, რომელმაც კანდიდატურა საპრეზიდენტო არჩევნებამდე რამდენიმე დღით ადრე მოხსნა.
რაც შეეხება საპარლამენტო არჩევნებს, ქილიჩდაროღლუს „თურქეთის სახალხო რესპუბლიკურ პარტიას“ 432 ხმა (43.07%) აქვს. მეორე ადგილზეა ერდოღანის „სამართლიანობისა და განვითარების პარტია“, რომელსაც ხმა 223-მა ამომრჩეველმა (22.23%) მისცა, ხოლო მესამე ადგილზე, 92 ხმით (9.17%), „კარგი პარტია“ გავიდა.
საზღვარგარეთ გახსნილ საარჩევნო უბნებზე არჩევნებში მონაწილეობა თურქეთის 1 300 000-ზე მეტმა მოქალაქემ მიიღო. წინასწარი შედეგების მიხედვით, ნახევარზე მეტმა, დაახლოებით 56%-მა ხმა ერდოღანს მისცა, ხოლო ქილიჩდაროღლუს დაახლოებით 40%-მა დაუჭირა მხარი. საპარლამენტო არჩევნებშიც, საზღვარგარეთ, ერდოღანის პარტია ლიდერობს, 43%-ით. მეორე და მესამე ადგილებზე „სახალხო რესპუბლიკურ პარტია“ (25%) და „ნაციონალისტური მოძრაობის პარტია“ (10%) არიან.
14 მაისს გამართულ საპრეზიდენტო არჩევნებში ვერცერთი კანდიდატი ვერ ახერხებს ხმების 50%-ზე მეტის მოგროვებას, რაც პირველ ტურშივე გამარჯვებისთვის არის საჭირო. საარჩევნო ყუთების 99.31%-ის დათვლის შემდეგ, რეჯეფ თაიფ ერდოღანს 49.41% აქვს, ხოლო ქემალ ქილიჩდაროღლუს - 44.96%. მათ შორის გამარჯვებულის გამოსავლენად მეორე ტური 28 მაისს გაიმართება.
საპარლამენტო არჩევნებში „რესპუბლიკურმა ალიანსმა“ გაიმარჯვა, რომელსაც სათავეში „სამართლიანობისა და განვითარების პარტია“ უდგას. წინასწარი მონაცემებით, ალიანსს ხმების 49% აქვს, რაც დაახლოებით 322 მანდატია 600-წევრიან საკანონმდებლო ორგანოში. მეორე ადგილზე გადის „სახალხო რესპუბლიკურ პარტიის“ ირგვლივ გაერთიანებული „სახალხო ალიანსი“, რომელმაც ხმათა 35% და დაახლოებით 212 მანდატი მიიღო.
