Yeni xəbərlər

“Bir çox Qərb ölkəsi, o cümlədən ABŞ Rusiya təyyarələrinin öz hava məkanına daxil olmasını qadağan edir. Bizi narahat edir ki, Rusiya və Gürcüstan arasında uçuşlar bərpa olunarsa, Gürcüstan hava limanlarındakı şirkətlər əlavə idxal və ixrac nəzarətinə məruz qalan təyyarələrə xidmət göstərsələr, onlar sanksiyalara məruz qala bilərlər”, - Dövlət Departamentinin nümayəndəsi “Amerikanın səsi”nə müsahibəsində belə qeyd edib.

Departamentin bəyanatına görə, bütün Qərb cəmiyyəti qəddar Rusiya rejimindən uzaqlaşıb və indi onunla əlaqəni artırmağın vaxtı deyil.

2019-cu ilin iyulunda Rusiya Prezidenti Vladimir Putinin qərarı ilə Gürcüstanla Rusiya arasında hava uçuşlarının bərpası məsələsi 2023-cü il yanvarın 18-də Rusiyanın Xarici İşlər Naziri Sergey Lavrovun açıq şəkildə Gürcüstan hakimiyyətini Qərbin təzyiqlərinə baxmayaraq, Rusiyaya qarşı tətbiq edilən sanksiyalara qoşulmamaqda göstərdikləri “cəsarət”ə görə tərifləməsi ilə bağlı açıqlamalarından sonra aktuallaşıb. Lavrov deyirdi ki, o, "Gürcüstanla əlaqələrin fəal şəkildə inkişaf etməsinə" sevinir və ümid edir ki, tezliklə birbaşa hava nəqliyyatının bərpası mümkün olacaq. Daha sonra Rusiya Federasiya Şurasının Beynəlxalq Əlaqələr Komitəsinin sədri, Lavrovun keçmiş müavini Qriqori Karasin bildirib ki, Rusiya uçuşları bərpa etməyə hazırdır, ancaq “tanqoya iki tərəf lazımdır”.

Gürcüstanın hakim partiyası Rusiyanın hava uçuşlarını bərpa etməsini alqışlayır. “Gürcü arzusu”nun sədri İrakli Kobaxidze bunu onunla izah edir ki, 2019-cu ildə tətbiq olunan sanksiyalar Rusiyada yaşayan 800 min Gürcüstan vətəndaşının vəziyyətini ağırlaşdırıb.

“O zaman, 2019-cu ildə birtərəfli qərar verən şey, 2023-cü ildə tanqoya ehtiyac duymur. Bunun üçün 2023-cü ildə də birtərəfli qərar lazımdır. Ona görə də hansısa ikitərəfli rəqsdən danışmağa ehtiyac yoxdur. 

Əgər birtərəfli qərar olarsa, birtərəfli qaydada nə edəcəkləri onların öz ixtiyarındadır. Biz yeganə olaraq o mövqeni bildiririk ki, soydaşlarımızın maraqlarından çıxış edərək, onlar tərəfdən birtərəfli sanksiyaların götürülməsi alqışlanacaq. Bu qərar ikitərəfli ola bilməyəcək”, - Kobaxidze fevralın 3-də bildirib.

Dövlət Departamentinin bəyanatı ilə bağlı Kobaxidze əlavə edib ki, “kimsə şirkəti cəzalandırmaq istəyirsə, bu onun öz işidir”.

Rusiya ilə birbaşa uçuşların bərpası Prezident Salome Zurabişvili üçün qəbuledilməzdir, o, “Gürcü arzusu”nun Rusiyada yaşayan gürcülərin problemlərini yüngülləşdirəcəyi ilə bağlı arqumentini bölüşmür.