Beynəlxalq Respublikaçılar İnstitutunun (İRİ) ictimai rəy sorğusuna əsasən, bazar günü parlament seçkiləri keçirilsəydi, respondentlərin 25%-i “Gürcü arzusu”, 12%-i “Vahid Milli Hərəkat”a səs verəcək, 16%-i isə kimə səs vərəcəyini bilmir.
Əsas xəbərlər
Araşdırmaya görə, respondentlərin 3-3%-i Giorgi Qaxariyanın “Gürcüstan naminə” və Zurab Caparidzenin “Qirçi – daha çox azadlıq” partiyasını dəstəkləyəcək. Partiyalar – “Strategiya Aqmaşenebeli”, “Droa”, “Əmək Partiyası”, “Xalq Naminə”, “Qirçi”, “Vətənpərvərlər Alyansı - Davit Tarxan Mouravi və İrma İnaşvili” 2 % dəstək alıb. Respondentlərin 1-1%-i “Lelo”, “Vətəndaşlar”, “Mühafizəkarlar Hərəkatına- Alt-İnfo”ya səs verəcək.
Respondentlərin 11% bülleteni korlayacağını, 6 faizi səsvermədə iştirak etməyəcəyini bildirib. Respondentlərin 7%-i tədqiqatçıların sualına cavab verməyib.
Heç bir halda hansı partiyalara səs verməyəcəksiniz sualına (respondentlər maksimum üç partiyanın adını çəkə bilər) cavablar belə bölünüb: “Vahid Milli Hərəkat” – 33%; “Gürcü arzusu” - 30%; “Vətənpərvərlər Alyansı - Davit Tarxan Mouravi və İrma İnaşvili” - 18%; “Mühafizəkar hərəkat - alt-info” - 15%; “Avropa Gürcüstanı” – 14%; “Qirçi – daha çox azadlıq” – 12%; “Qirçi” - 12%.
Respondentlərin 34%-i müxalifətin növbədənkənar parlament seçkilərinin keçirilməsi tələbini birmənalı şəkildə dəstəkləyir, 34%-i isə birmənalı olaraq bu tələbin əleyhinədir.
Respondentlərin 72%-i qarşıdan gələn seçkilərdə yeni siyasi partiyalar görmək istəyir ki, bu da bu ilin mart ayında qeydə alınan rəqəmdən (60%) 12% çoxdur. Respondentlərin 22%-i hazırkı seçimlərdən razıdır.
İRİ-nin sifarişi ilə aparılan araşdırma 13 sentyabr - 2 oktyabr 2022-ci il tarixləri arasında üzbəüz müsahibələr vasitəsilə aparılıb. Tədqiqatda səsvermə hüququna malik və yaşı olan 1500 respondent iştirak edib. Səhv marjası +/- 2,5%, cavab nisbəti 74% təşkil edir.
