საერთაშორისო რესპუბლიკური ინსტიტუტის (IRI) საზოგადოებრივი აზრის კვლევის მიხედვით, კვირას რომ საპარლამენტო არჩევნები ტარდებოდეს, გამოკითხულთა 25% ხმას „ქართულ ოცნებას“ მისცემდა, 12% „ერთიან ნაციონალურ მოძრაობას“, 16%-მა არ იცის.
ახალი ამბები
მკითხველის რჩეული
- 1 სუს-ის ყოფილი უფროსი გრიგოლ ლილუაშვილი რეგიონული განვითარების მინისტრად აღარ დანიშნეს
- 2 ენმ: გენერლები გოგავა და ყურაშვილი რუსულ კომისიაზე პარტიული აფილიაციის გარეშე წარდგებიან
- 3 თბილისის პოლიციის დეპარტამენტის დირექტორად ლაშა გოგნიაშვილი დაინიშნა
- 4 გადაალაგეს, სუს-იც თან გაატანეს არჩევნების გაყალბების ფუნქციით - მეზვრიშვილი ლილუაშვილზე
- 5 რა წერია უცხოური გრანტების წინააღმდეგ „ქართული ოცნების“ კანონპროექტში
- 6 კობახიძე რუსეთის ხსენების გარეშე 9 აპრილზე პასუხისმგებლად „უცხოურ ძალას“ აცხადებს
კვლევის თანახმად, გამოკითხულთა 3-3% ექსპრემიერ გიორგი გახარიას პარტიას „საქართველოსთვის“ და ზურაბ ჯაფარიძის პარტიას „გირჩი - მეტი თავისუფლება“ დაუჭერდა მხარს. 2%-იანი მხარდაჭერა აქვთ პარტიებს - „სტრატეგია აღმაშენებელი“, „დროა“, „ლეიბორისტული პარტია“, „ხალხისთვის“, „გირჩი“, „პატრიოტთა ალიანსი - დავით თარხან მოურავი და ირმა ინაშვილი“. გამოკითხულთა 1-1% ხმას მისცემდა „ლელოს“, „მოქალაქეებს“, „კონსერვატიულ მოძრაობა - ალტ-ინფოს“.
გამოკითხულთა 11% ამბობს, რომ საარჩევნო ბიულეტენს გააფუჭებდა, 6% ხმის მიცემაში მონაწილეობას არ მიიღებდა. გამოკითხულთა 7%-მა მკვლევარების შეკითხვას არ უპასუხა.
შეკითხვაზე, რომელ პარტიებს არ მისცემდით ხმას არავითარ შემთხვევაში (რესპონდენტებს მაქსიმუმ სამი პარტიის დასახელება შეეძლოთ) პასუხები ასე გადანაწილდა: „ერთიანი ნაციონალური მოძრაობა“ - 33%; „ქართული ოცნება“ - 30%; „პატრიოტთა ალიანსი - დავით თარხან მოურავი და ირმა ინაშვილი“ - 18%; „კონსერვატიული მოძრაობა - ალტ-ინფო“ - 15%; „ევროპული საქართველო“ - 14%; „გირჩი - მეტი თავისუფლება“ - 12%; „გირჩი“ - 12%.
ვადამდელი საპარლამენტო არჩევნების გამართვის შესახებ ოპოზიციის მოთხოვნას გამოკითხულთა 34% ცალსახად მხარს უჭერს, 34% კი ამ მოთხოვნას ცალსახად ეწინააღმდეგება.
მომავალ არჩევნებში ახალი პოლიტიკური პარტიების ნახვა სურს გამოკითხულთა 72%-ს, რაც 12%-ით მეტია მიმდინარე წლის მარტში დაფიქსირებულ მაჩვენებელთან (60%) შედარებით. რესპონდენტების 22% დღეს არსებული არჩევანითაც კმაყოფილია.
IRI-ს დაკვეთით კვლევა ჩატარდა 2022 წლის 13 სექტემბერი - 2 ოქტომბრის პერიოდში პირისპირ ინტერვიუს გზით. კვლევაში მონაწილეობდა საარჩევნო ხმის უფლებისა და ასაკის მქონე 1500 რესპონდენტი. ცდომილების ზღვარი შეადგენს +/- 2.5 %, გამოპასუხების მაჩვენებელი - 74 %.
