„ქართული ოცნების“ პრემიერ-მინისტრის, ირაკლი კობახიძის ბრძანების საფუძველზე, 10 ნოემბრიდან, შინაგან საქმეთა მინისტრის მოადგილედ გიორგი სახოკია დაინიშნა. კიდევ ერთი ბრძანებით, ამ თანამდებობიდან გათავისუფლდა გიორგი ბუთხუზი. ის 2019 წლის დეკემბრიდან იყო შს მინისტრის მოადგილე.
ახალი ამბები
მკითხველის რჩეული
- 1 ყვარლის საკრებულოს თავმჯდომარე გივი ზაუტაშვილი და მერის მოადგილე ლევან გელაძე დააკავეს
- 2 საქართველო-აზერბაიჯანის საზღვართან თურქეთის სამხედრო თვითმფრინავი ჩამოვარდა
- 3 „ოცნების“ შს მინისტრის მოადგილის პოსტზე გიორგი ბუთხუზი გიორგი სახოკიამ ჩაანაცვლა
- 4 „უკრაინა რთული არჩევანის წინაშეა“ - ზელენსკიმ ტრამპის გეგმას ერისადმი მიმართვაში უპასუხა
- 5 BBC-ის გამოძიება: თბილისში აქციების დასარბევად I მსოფლიო ომის დროინდელ ქიმიურ იარაღს იყენებდნენ
- 6 თურქეთის თავდაცვის სამინისტროს განცხადებით, საქართველოში ჩამოვარდა C130 თვითმფრინავი
ამჟამად „ქართული ოცნების“ შს მინისტრს, გელა (გეკა) გელაძეს ხუთი მოადგილე ჰყავს - როლანდ მესხი, გიორგი სახოკია, შალვა თადუმაძე, მარიამ ტაბატაძე და ალექსანდრე დარახველიძე.
რაც შეეხება გიორგი სახოკიას ბიოგრაფიას, მიმდინარე წლის სექტემბერში ის შინაგან საქმეთა სამინისტროს აკადემიის რექტორად დაინიშნა და ამ თანამდებობაზე ლელა ჩიქოვანი შეცვალა. ის შსს-ში სხვადასხვა თანამდებობაზე 2014 წლიდან მუშაობდა, მათ შორის, იყო ადმინისტრაციის უფროსი, ადმინისტრაციის უფროსის მოადგილე, საჯარო ინფორმაციის სამმართველოს უფროსი. 2013-2014 წლებში გიორგი სახოკია საქართველოს იუსტიციის სამინისტროს სერვისების განვითარების სააგენტოში შიდა აუდიტის სამსახურს ხელმძღვანელობდა. უფრო ადრე დასაქმებული იყო კერძო სექტორში, კერძოდ, 2007-2012 წლებში სს „სილქნეტიში“ სხვადასხვა მენეჯერულ პოზიციას იკავებდა.
