“Əgər hər hansı fond qeyri-şəffafdırsa, bu, məhz ABŞ-ın Demokratiyanın İnkişafı Fondu “NED”dir”, - Gürcüstan parlamentinin sədri Şalva Papuaşvili “NED” rəhbərinin onların proqramlarının maliyyəsinin şəffaf olması ilə bağlı bəyanatını belə şərh edib.
Əsas xəbərlər
Oxucunun seçimi
- 1 Hakim Qoridə saxlanlan fəalın işi üzrə bütün istintaq hərəkətlərini qanunsuz hesab edib
- 2 Parlamentin plenar iclasına kvorum olmadığı üçün başlanıla bilməyib
- 3 Qanuna tabe olmasalar, cərimələr, müsadirələr olacaq və işləyə bilməyəcəklər - Kaladze
- 4 İyul ayından müəllimlərin maaşları artacaq
- 5 “Gürcü Legionu”nun komandiri Mamuka Mamulaşvili zəhərləndiyini bildirib
- 6 Tələbə hərəkatının lideri Niko Manaqadzeyə TDU yaxınlığında hücum olunub
Papuaşvili təşkilatı “gürcü xalqı üçün” hansı layihələri maliyyələşdirdiklərini açıqlamağa çağırır.
“Onlar gürcü xalqına kömək etdiklərini deyəndə, heç kim gürcü xalqına demir ki, onlara nədə kömək edirlər? Təəssüf ki, bu günə qədər ictimaiyyətə açıqlanmır. Onların maliyyələşdirdiyi layihələr gizlədilir və təəssüf ki, ictimaiyyətə açıqlanmır. Bu, təbii ki, heç bir şəffaflıq standartlarına cavab vermir. Bu, nə Amerika standartına, nə də heç bir standarta, hətta ən aşağı şəffaflıq standartına belə cavab vermir”, - deyə Şalva Papuaşvili jurnalistlərə bildirib.
Parlament sədrinin sözlərinə görə, “NED” “partiya” tipli qeyri-hökumət təşkilatlarını maliyyələşdirir. “Bu, “Gürcüstan Naminə” partiyasının lideri Natia Mezvrişvilinin rəhbərlik etdiyi qeyri-hökumət təşkilatıdır. Bu, məsələn, Qiorqi Kandelakinin rəhbəri olduğu “Sovlab”dır. Bunlar, məsələn, Anna Dolidzenin yaratdığı “Xalq Naminə” və “Tərəqqi Mərkəzi”dir. Bütün bu “Engeo”ların qurucuları və rəhbərləri siyasətçilər, partiya liderləridir. Bütün bu partiya liderləri xaricdən ciblərinə pul qoyurlar”, - Papuaşvili bildirib.
Martın 6-da “İmedi” və “Rustavi 2” telekanalları “NED”in sədri Kenet Volakın Gürcüstandakı siyasi partiyaları fondun maliyyələşdirməsini inkar edən şərhlərini yayımlayıb.
“Vətəndaş cəmiyyəti qruplarının siyasi proseslərdə iştirak etmək hüququ var. Əgər onlar siyasi partiyanın üzvüdürlərsə və ya siyasi hakimiyyət uğrunda mübarizə aparırlarsa, artıq vətəndaş cəmiyyəti təşkilatları deyillər. “NED”in fəaliyyətlərinə siyasi partiyaları deyil, vətəndaş cəmiyyəti təşkilatlarını dəstəkləmək daxildir. Əgər vətəndaş cəmiyyəti təşkilatı siyasi partiya olmağı seçirsə, “NED” onu dəstəkləməyəcək. Vətəndaş təşkilatının siyasi partiyanı maliyyələşdirməsi ilə bağlı sübut görmədim. “NED”-in dəstəklədiyi təşkilatlar əslində siyasi partiyaları maliyyələşdirmir”, - deyə Tbilisidə Rondelli Təhlükəsizlik Konfransında iştirak edən Volak bildirib.
Gürcüstan parlamentinin sədri xarici donor təşkilatlarını Gürcüstanın siyasi partiyalarını qanunsuz maliyyələşdirməkdə və seçkilərə müdaxilədə ittiham edir. O, bir neçə gün əvvəl o, Avropa İttifaqının təsis etdiyi təşkilata - “Avropa Demokratiya Fonduna”, “EED”ə hücum edib. Şalva Papuaşvilinin dediyi kimi, “Müdaxilənin Rusiyadan, Rusiya ərazisindən, Avropa İttifaqının və ya Amerika Birləşmiş Ştatlarının ərazisindən olmasının əhəmiyyəti yoxdur, istənilən müdaxilə gürcü xalqının seçkilərinə müdaxilədir”.
