Gürcüstan prezidenti Salome Zurabişvili rus qanunu əleyhinə keçirilən aksiyanı şərh edir və “Gürcü Arzusu”nun “xarici agentlər haqqında” qanun layihəsini qəbul etmək cəhdini “birbaşa təxribat” kimi qiymətləndirilir.
Əsas xəbərlər
Oxucunun seçimi
- 1 “Gürcü Arzusu” “xarici agentlər” haqqında “rus qanunu”nu geri qaytarır
- 2 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 3 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 4 Bu qanun nə Avropa, nə də Amerika qanunudur - Aİ səfiri rus qanunu barədə
- 5 Avropa Şurasının baş katibi: “Xarici təsir haqqında” qanun layihəsinin təkraradan canlanması məndə təşviş doğurur
- 6 Parlamentə təqdim edilən qanun layihəsi Gürcüstanı Avropa yolundan yayındıracaq - ABŞ rus qanunu haqda
“Tbilisidə rus qanununa qarşı keçirilən kütləvi etiraz aksiyasının ikinci günüdür. Hökumətin cəiyyətin iradəsinə zidd olaraq və tərəfdaşlarının etirazlarına baxmayaraq, bu qanunu qəbul etməkdə israr etməsi birbaşa təxribatdır - rus tipli sabitliyi pozmaq strategiyasıdır”, - prezident “X” sosial şəbəkəsində yazıb.
Tbilisidə parlament binası yaxınlığında etiraz aksiyası keçirilir və aksiya iştirakçıları hakim partiyadan müstəqil media və vətəndaş cəmiyyətini məhdudlaşdıran qanun layihəsini geri götürməsini tələb edirlər.
Daxili İşlər Nazirliyi parlament binası yaxınlığında çoxlu sayda polis, xüsusi təyinatlılar və su maşını səfərbər edib.
Qanunverici orqanın arxa girişində dinc etirazçılara qarşı bibər qazından istifadə edildiyi iddia edilir.
Aksiyanın bir neçə iştirakçısı saxlanılıb. Onların arasında “Lelo” partiyasının liderlərindən biri, İrakli Kupradze də var.
“Gürcü Arzusu” “xarici agentlər haqqında” qanun layihəsini aprelin 15-də Hüquq Məsələləri üzrə Komitədə dəstəkləyib və bu gün iclas səsvermə olmadan başa çatsa da, plenar iclasın müzakirəsinə çıxarılıb. Hakim partiyanın üzvləri xüsusi təyinatlıların və polisin köməyi ilə qanunverici orqanı tərk ediblər. Qanun layihəsinin müzakirəsi aprelin 17-də, saat 12:00-da davam etdiriləcək.
