“Bu, Belarus Respublikası Prezidentinin müstəqil Abxaziyaya ilk səfəri idi. Bu səfərə böyük ümidlər bəsləyirik. Əminəm ki, bu, əlaqələrimizə təkan verəcək”, - Biçvintada Aleksandr Lukaşenko ilə görüşdən sonra işğal olunmuş Abxaziyanın de-fakto prezidenti Aslan Bjaniya bildirib.
Əsas xəbərlər
Oxucunun seçimi
- 1 “Gürcü Arzusu” “xarici agentlər” haqqında “rus qanunu”nu geri qaytarır
- 2 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 3 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 4 Bu qanun nə Avropa, nə də Amerika qanunudur - Aİ səfiri rus qanunu barədə
- 5 Avropa Şurasının baş katibi: “Xarici təsir haqqında” qanun layihəsinin təkraradan canlanması məndə təşviş doğurur
- 6 Ermənistan mətbuatı sərhədyanı Ciliza kəndinin Gürcüstana verilməsi barədə yazır
Bjaniya Abxaziyanın müstəqilliyinin Belarus tərəfindən mümkün tanınması ilə bağlı suala belə cavab verib:
“Belarus Respublikasının rəhbərinin Abxaziyaya gəlişi faktının özü ondan xəbər verir ki, əlaqələrimiz yeni xarakter alır, əlaqələrimizə yeni təkan verilmişdir. Ümid edirəm ki, addım-addım [tanınmağa] gələcəyik. Qabağa getmək istəmirəm, amma bu böyük evin ilk kərpici artıq qoyulub. Fakt baş verib. Görüşdən məmnunam”.
Aleksandr Lukaşenko sentyabrın 28-də Soçidə Rusiya prezidenti Vladimir Putinlə görüşdən sonra işğal olunmuş Abxaziyaya səfər edib.
Lukaşenko ilə Bjaniya arasında görüş Rusiyanın təhvil verilməsini tələb etdiyi Biçvinta dövlət bağ evində keçirilib. Lukaşenkonun dediyi kimi, Belarus Abxaziya ilə “çox ciddi əlaqələr” qurmaq istəyir.
“Abxaziya mövcuddur, onu xəritədən silə bilməzsiniz. Heç bir sanksiya bunu edə bilməyəcək”, - Lukaşenko Bjaniyaya deyib.
Gürcüstan Xarici İşlər Nazirliyi etiraz əlaməti olaraq Belarusun Gürcüstandakı səfiri Anatoli Lisi çağırıb. Nazirlik Lukaşenkonun Gürcüstanın Rusiya tərəfindən işğal olunmuş bölgəsinə gəlişindən və onun Rusiya işğalçı rejiminin nümayəndələri ilə görüşündən dərin narahatlığını bildirib. Yayılan bəyanatda Nazirlik Lukaşenkonun Gürcüstanın dövlət sərhədini pozaraq Abxaziyaya daxil olduğunu bildirir və Belarus tərəfini suveren dövlətin beynəlxalq səviyyədə tanınmış sərhədləri daxilində ərazi bütövlüyünə hörmət etməyə, beynəlxalq hüququn əsas prinsiplərə zidd hərəkətlər etməməyə çağırır.
Gürcüstanın baş naziri İrakli Qaribaşvili Tvitter hesabında baş verənlərə belə cavab verib: “Aleksandr Lukaşenkonun Rusiya tərəfindən işğal olunmuş Abxaziya bölgəsinə “səfər” etməsini və Rusiyanın işğalçı rejimi ilə görüşlərini şiddətlə qınayıram. Bu addım Gürcüstanın işğal olunmuş ərazilərlə bağlı qanunlarını pozur və həm beynəlxalq hüquqa, həm də ölkələrimiz arasında ikitərəfli münasibətlərə ziddir”.
Lukaşenkonun səfərini Gürcüstan prezidenti Salome Zurabişvili də qınayıb və o, Tvitter-də yazıb ki, “bu, Gürcüstanın işğal olunmuş əraziləri haqqında qanunun, bizim ikitərəfli münasibətlərimizin və beynəlxalq hüququn prinsiplərinin qəbuledilməz pozulmasıdır”.
Ekspertlərin fikrincə, Aleksandr Lukaşenkonun Abxaziyaya gəlişi Belarusun Abxaziyanın müstəqilliyini tanımaq niyyətində olması anlamına gələ bilər.
Lukaşenko deyib ki, əgər Putin ona bunun zəruri olduğunu desə, Gürcüstanın işğal olunmuş ərazilərinin müstəqilliyini tanıyacaq.
