Yeni xəbərlər

“Təəssüf ki, Gürcüstan beynəlxalq televiziyanın xəbərlərində yer alır, lakin, bunun səbəbi yaxşı deyil. Biz ciddi şəkildə narahatıq. Biz hesab edirik ki, kursu dəyişmək və Avropaya inteqrasiya yoluna qayıtmaq üçün hələ vaxt var.

Biz hədə-qorxu, təhdid və zorakılığa dərhal son qoyulmasını tələb edirik. Ümid edirəm ki, biz daha azın az naminə olduğu bir vəziyyətə məcbur edilməyəcəyik. Bu neqativ xarakter daşıyacaq və sadə vətəndaşları vuracaq.

Bununla belə, bunun baş verməməsi üçün əlimizdən gələni edəcəyik”, - Aİ səfiri mətbuata bildirib.

Onun sözlərinə görə, bu qanun indiki formada qəbul edilərsə, bunun mənfi nəticələrinin olacağını istisna etmək olmaz.

“Bizim maliyyə yardımımız var, vizasız rejim var ki, vətəndaşlar bundan faydalanırlar. Razılaşmada qoruyucu mexanizmlər var ki, məcburiyyət zamanı istifadə edə bilərik, amma bu mərhələyə gəlmək istəmirik. İndi biz mövcud vəziyyəti həll etmək üçün səylərimizi ikiqat artırmalıyıq.

Bu qanunun qəbulu üçün hələ vaxt və prosedurlar var. Ümidvaram ki, biz millət vəkilləri və bütün siyasi partiyalarla birlikdə bu qanunun qəbul edilməsinin qarşısını almaq və nəticələrə barədə düşünməli olmamaq üçün bütün yolları öyrənəcəyik. Eyni zamanda, bu qanun təsdiqlənərsə, təbii ki, Brüsseldəki liderlər 27 üzv dövlətlə birlikdə reaksiya verməli olacaqlar və ümid edirəm ki, biz bu mərhələyə - neqativ hadisələrin spiralına getməyəcəyik. Mən gürcü xalqının cəzalandırılmasını istəmirəm, çünki bu, sonda sadə insanlara, hər bir insana mənfi təsir göstərəcək. Məhz buna görə də indiki şəraitdə bu mərhələyə keçməməyimizi təmin etmək bizim birgə məsuliyyətimizdir”, - Aİ səfiri qeyd edib.

Mayın 8-də Brüsseldə Avropa İttifaqına üzv ölkələrin səfirləri Gürcüstan məsələsini bir daha müzakirə ediblər və “agentlər haqqında” rus qanunu qəbul edilərsə, Gürcüstana qarşı tətbiq edilə biləcək potensial tədbirləri də nəzərdən keçiriblər. Azadlıq Radiosunun Avropa Bürosunun redaktoru Rikard Yozviakın sözlərinə görə, vizasız rejimin dayandırılması istisna deyil.

3 aprel 2024-cü ildə “Gürcü Arzusu” bir il əvvəl minlərlə insanın iştirak etdiyi etiraz aksiyaları nəticəsində geri götürdüyü "xarici agentlər" haqqında rus qanununu bir daha qəbul etməyəcəyinə söz verməsinə baxmayaraq, təkrardan irəli sürüb. Rus qanunu beynəlxalq fondların qrant dəstəyi ilə fəaliyyət göstərən və hökumət və ya əlaqəli qruplar tərəfindən idarə oluna bilməyən müstəqil media və qeyri-hökumət təşkilatlarının xarici agent kimi qeydiyyatdan keçməsini tələb edir. Aprelin 15-dən Tbilisidə rus qanununa qarşı kütləvi etiraz aksiyaları keçirilir. Artıq “Gürcü Arzusu” qanun layihəsini iki oxunuşda qəbul edib. Yekun oxunuş mayın 13-ü həftəsinə təyin edilib.