Hüquq Məsələləri Komitəsinin sədri Anri Oxanaşvili rus qanununun Bidzina İvanişvilinin maliyyəsinin 20%-dən çoxu xəricdən olan “Kartu” fonduna necə təsir edəcəyini soruşmaq istəyən “Vahid Milli Hərəkat”ın sədri Levan Xabeişvilini komitədən xaric edib. Bundan əlavə, Xabeişvili qeyd edib ki, İvanişvili “Kartu”dan siyasi məqsədlər üçün istifadə edir.
Əsas xəbərlər
Oxucunun seçimi
- 1 Bidzina İvanişvilinin anti-qərb mesajları
- 2 “İvanişviliyə offşorlarda gizlədilən əmlakını ölkəyə gətirməyə icazə verilir”, - qanunda nə dəyişir
- 3 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 4 Şarl Mişel rus qanunu ilə bağlı: “Bu, Gürcüstanın Avropa istəkləri ilə uyğunsuzdur”
- 5 “Gürcü Arzusu” aprelin 29-da rus qanununa dəstək aksiyası keçirəcək
- 6 Mənim vetom xalqın səsi olacaq və aydın şəkildə eşidiləcək – Zurabişvili
Anri Oxanaşvili müxalifətçi deputatın sözünü kəsərək sualını bitirməyə imkan verməyib: “Bidzina İvanişvili barədə nəyə görə soruşursan?! O, iki milyard avro və laridən çox, daha dəqiq desək, altı milyard lariyə qədər xərcləyib. Ölkəmiz üçün nə qədər lari xərcləmisiniz? Siyasi bəyanatlara keçdiyiniz üçün sizin söz haqqınız əlinizdən alınıb”, - Oxanaşvili bildirib.
Hüquq Məsələləri Komitəsində rus qanununun ikinci oxunuşunun müzakirəsi səhər saat 09:25-dən hay-küy fonunda davam edib. Anri Oxanaşvili müxalifət deputatlarının tənqidi suallarına qulaq asmır, onlara xəbərdarlıq edir və ya iclas zalından qovur. Hazırda Oxanaşvili 10 deputatı - Xatia Dekanoidze, Levan Xabeişvili, Qiorqi Qodabrelidze, Davit Xajişvili, Ketevan Turazaşvili, Qiorqi Vaşadze, Tamar Kordzaia, Levan Bejaşvili, Salome Samadaşvili və Tamar Çarkvianini qovub. “Lelo”nun üzvü Davit Usupaşvili və “Qirçi”nin lideri İaqo Xviçia etiraz əlaməti olaraq komitəni tərk ediblər.
3 aprel 2024-cü ildə “Gürcü Arzusu” bir il əvvəl minlərlə insanın iştirak etdiyi aksiya nəticəsində geri götürülən “xarici agentlər” haqqında rus qanunu bir daha qəbul etməyəcəyinə söz verməsinə baxmayaraq onu təkrardan irəli sürüb. Rus qanunu beynəlxalq təşkilatların qrant dəstəyi ilə fəaliyyət göstərən və hökumət və ya əlaqəli qruplar tərəfindən idarə oluna bilməyən müstəqil media və qeyri-hökumət təşkilatlarının xarici agent kimi qeydiyyatdan keçməsini tələb edir. Aprelin 17-də parlamentin 83 üzvü birinci oxunuşda rus qanununu dəstəkləyib.
ABŞ Dövlət Departamenti “Gürcü Arzusu”nun qanununu “Kremldən ilhamlanmış” adlandırıb və hakimiyyəti onu qəbul etməməyə çağırıb. Avropa Parlamentinin qəbul etdiyi qətnamədə də oxşar qeyd var. 425 Avropa deputatı Rusiyanın “xarici agentlər” qanunundan ilhamlanan, vətəndaş cəmiyyəti təşkilatlarını və fəalları qəsdən damğalayan və gözdən salan Gürcüstan hökumətinin ölkədə qalan tənqidi səsləri susdurmaq üçün istifadə edilməsini pisləyir. Avropa Parlamenti qanunu qəti şəkildə pisləyir və qeyd edir ki, bu, Avropa İttifaqının dəyərlərinə, demokratik prinsiplərə uyğun gəlmir və Gürcüstanın Avropa İttifaqına daxil olmaq ambisiyalarına ziddir.