Məcburi Köçkünlər, Əmək, Səhiyyə və Sosial Müdafiə Naziri Mixeil Sarjveladzenin bildirdiyinə görə, “laminatlı” şəxsiyyət vəsiqələrinin ləğv edilməsinə baxmayaraq, vətəndaşlar növbəti bir ay ərzində pensiya və digər sosial müavinətləri ala biləcəklər.
Əsas xəbərlər
“Kağız şəxsiyyət vəsiqəsi olan vətəndaşların gələcəkdə pensiya və ya digər sosial müavinətsiz qalmaması üçün onları ədliyyə evlərinə müraciət edərək müasir şəxsiyyət vəsiqəsi almağa çağırıram”, - Sarjveladze bugünkü brifinqdə bildirib. Nazirin sözlərinə görə, köhnə şəhadətnamələri müasir sənədlərlə əvəz etməyən vətəndaşların sayı kifayət qədər çoxdur.
“Bu gündən etibarən qanuna əsasən, Gürcüstanda 2011-ci il iyulun 28-dək verilmiş şəxsiyyət vəsiqələri hüquqi qüvvəsini itirib. Yəni, bundan sonra “kağız” və ya “laminatlı” şəxsiyyət vəsiqələri hüquqi qüvvəsini itirmiş hesab edilir. Dövlət tərəfindən “kağız” şəxsiyyət vəsiqəsi olan hər kəsin şəhadətnamələrini müasir şəxsiyyət vəsiqəsi ilə əvəz etməsi üçün böyük səy göstərildi.
Bu məqsədlə hökumətin qərarında şəxsiyyət vəsiqəsinin pulsuz dəyişdirilməsi nəzərdə tutulub. Buna baxmayaraq, “kağız” şəxsiyyət vəsiqəsi olan vətəndaşlarımızın olduqca böyük bir qisimi bu fürsətdən istifadə etmədi və bu gün etibarilə bu kəslərin artıq etibarlı bir şəxsiyyət vəsiqəsi yoxdur.
Həmin şəxslərin onlara verilən pensiya və digər sosial müavinətləri almasına maneə yaranmaması üçün Gürcüstan hökuməti növbəti bir ay ərzində bu vəsaitlərin verilməsində heç bir maneə olmayacağı barədə qərar qəbul edib.
Lakin bu, kağız şəxsiyyət vəsiqələrinin etibarlılığının uzadılması demək deyil. Bu o deməkdir ki, vətəndaşlar bu əlavə müddət ərzində heç bir maneə ilə üzləşməyəcək, yalnız sosial müavinət alacaqlar. Bununla belə, vurğulamaq istərdim ki, bu qayda müvəqqətidir və sonsuza qədər davam edə bilməz”, - Mixeil Sarjveladze bildirib.
Ötən ilin sonunda parlament qanuna dəyişikliyi sürətləndirilmiş qaydada qəbul etdi, bunun əsasında qeyri-elektron, “laminatlı” şəxsiyyət vəsiqələri iyulun 1-dən ləğv edilməlidir. Parlament müzakirələri zamanı məlum olub ki, Gürcüstanda 230 minə yaxın vətəndaşın “laminatlı” şəxsiyyət vəsiqəsi var, o cümlədən dini etiqadlarına görə elektron şəxsiyyət vəsiqəsi ala bilməyən bir neçə nəfərin.
